web counter
LEXO PA REKLAMA!

SHKARKO APP

App Store
Google Play

E fundit!

x

“Pavarësuam drejtësinë nga politika”/ Rama: PS-ja i hyri detit në këmbë

26 Mars 2025, 18:19, Politikë CNA

“Pavarësuam drejtësinë nga politika”/ Rama: PS-ja i

Kryeministri Edi Rama deklaroi sot se ka qenë një sprovë shumë e egër ajo e dhënies së pavarësisë së drejtësisë nga pushteti politik dhe se PS-ja vendosi t’i hyjë detit në këmbë. Rama bëri këtë deklaratë gjatë takimit me kandidatët në Shkodër.

Rama tha se politika i ka dorëzuar shpatën drejtësisë, që tani mund të japë dënime.

Rama tha se më parë ka pasur vetëm njerëz të dënuar nga i pari i qeverisë dhe jo nga sistemi gjyqësor.

Rama u shpreh se asnjëherë më përpara nuk ishte parë që në prokurori të merreshin në pyetje deputetë e ministra, e aq më tepër të dënoheshin nga gjykatat.

“Sot jemi ne këtu, unë dhe ju që jemi garant që kjo do të jetë kështu. Ne kemi pushtetin, kemi bërë dorëzimin e shpatës së ndëshkimit që normalisht është në duart e drejtësisë, jo të pushtetit politik, por që faktikisht ishte te zyra ime para se të isha unë aty ishte te zyra e atij para meje deri në 1912 nga qeveritë e para, te mbreti, diktatori, drejtësia ishte nën urdhrat e pushtetit politik.

Bënte punët e veta kur nuk kishte lidhje me pushtetin politik. Altin Dumanin e njihni të gjithë por nuk është 22 vjeç. Mund të ketë 20 vjet që është Prokuror. E kishit dëgjuar përpara? Kishit parë përpara që ndonjë ministër apo person me pushtet që hynë e dalin në Tv të shkonte e të jepte llogari në Prokurori, të dënohej në gjykatë apo të arratisej.

As prindërit, gjyshërit tuaj nuk kishin parë. Ka pasur vetëm njerëz të dënuar nga i pari i qeverisë. PS vendosi t’u hyjë detit në këmbë dhe të marrim përsipër sprovën më të egër që të pavarësojmë drejtësinë nga pushteti politik",- tha Rama./CNA  





Lajmet e fundit nga