web counter
LEXO PA REKLAMA!

SHKARKO APP

App Store
Google Play

“Të investohet në turizëm që të kthehet në ekonomi”/ Rama takon sipërmarrësit e kthyer nga emigracioni

26 Mars 2025, 16:20, Politikë CNA

“Të investohet në turizëm që të kthehet në

Kryeministri Edi Rama zhvilloi sot takim me sipërmarrës të rinj në Shkodër të kthyer nga emigracioni.

Sipërmarrësit ishin pjesë edhe e një bashkëbisedimi me Ramën, ku ndanë mendime dhe ide të ndryshme për mënyrën se si mund të ndryshojë zona.

Në fjalën e tij, Rama theksoi se është shumë e rëndësishme që të investohet sa më shumë, në mënyrë që ky investim të rikthehet shumëfish në ekonomi.

Rama tha se është e nevojshme që akomodimi të rritet në mënyrë të konsiderueshme sepse po rritet po ashtu edhe fluksi i turistëve.

Rama shtoi se nga pikëpamja e bukurive natyrore, në zonat afër Shkodrës ka shumë të tilla, prandaj investimi në sipërmarrjet e turizmit është me vlerë të madhe.

“Veprat kryesore dhe lidhjet kryesore, e gjithë pyetja se kush bërë në fillim e pastaj. Kjo lidhet me çfarë fitojmë mbrapsht ekonomikisht që të kemi mundësi që çfarë investojmë të kthehet në ekonomi disafish.

Po të shikosh se çfarë po ndodh me Shkodrën nga shifrat, është absolute që nevoja për më shumë njësi akomodimi do të rritet në mënyrë të konsiderueshme se nga fluksi i vizitorëve ka rritje të madhe vitet e fundit dhe për njësi akomodimi ka nevojë të madhe. Sot në qytet janë rreth 200 njësi mesatare ose të vogla por duhet më shumë edhe në zonën brenda sepse të gjithë këto njësi që janë më brenda, në formën e agroturizmit, ose hoteleve malore kanë vlerë jashtëzakonisht të madhe. Thethi e tregon qartë, është shkollë.

Nga pikëpamja e bukurive natyrore ke gjithandej, ama aty është shkollë. Në Theth bën takim me banorët, dhe aty 85 përqind i ke të rinj. Janë me biznes, kanë hapur një derë dhe bëjnë lekë me mikpritje”,-tha Rama./CNA

 

 





Lajmet e fundit nga