E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Pas përmirësimit të diellit dhe rërës/ Xhaferraj kërkon llogari për "cilësinë" e motit

24 Nëntor 2022, 11:59, Politikë CNA

Pas përmirësimit të diellit dhe rërës/ Xhaferraj

Deputeti i PD-së, Ferdinand Xhaferraj, i cili mbahet mend për deklaratën elektorale “se do të përmirësonte cilësinë e diellit dhe të rërës, kur të vinte në pushtet”, i ka kërkuar llogari Qeverisë për “cilësinë” e motit.

Nga foltorja e Kuvendit, me anë të një videoje të kryeministrit në vitin 2010, ka shtruar pyetjen se ku është puna e qeverisë tani lidhur me këtë çështje.

“Reshjet e ditëve të fundit kanë prodhuar situatë kritike në disa qarqe të vendit. Janë përmbytur shtëpitë, bizneset e tokat duke rrezikuar jetën e qytetarëve, rasti më i dhimbshëm dy qytetarëve babë e bir që humbën jetën.

Kërkuam këtë interpelancë urgjente për të dhënë shpjegime për situatën në vend.

A kishte informacione dhe të dhëna qeveria shqiptare lidhur me reshjet e pritshme të datës 20 nëntor e në vijim? Nëse po, cilat ishin masat e marra nga qeveria për të siguruar jetën, shëndetin dhe pronat e qytetarëve tanë?

A u bënë shkak për përmbytjen e zonave të nën-Shkodrës hapja e portave dhe shkarkimet e hidrocentraleve të Komanit dhe Vau Dejësit, sic deklaroi prefektja e qarkut Shkodër, Znj. Angoni?

Pse nuk u lajmëruan familjet që prekeshin nga përmbytjet si rezultat i shkarkimeve të hidrocentraleve që të merreshin masat e nevojshme, përfshirë evakuimin e banorëve dhe gjësë së gjallë?

A ka filluar një vlerësim paraprak i dëmeve të shkaktuara dhe a mund të kemi një informacion?

Ministri i Mbrojtjes, z. Peleshi, ka përsëritur disa herë që qeveria u ka akorduar bashkive një fond prej 10 mln dollarësh për përballimin e gjendjes së fatkeqësisë natyrore. A është ky fond i mjaftueshëm për përballimin e dëmeve të shkaktuara?

Cilat janë investimet konkrete që qeveria shqiptare ka kryer në këto 9 vite për parandalimin e përmbytjeve në qarqet Shkodër, Lezhë dhe Durrës?

A ka vlerësuar qeveria shqiptare mundësinë e transferimit të banorëve, të cilët jetojnë në zona të rrezikuara nga përmbytjet, në zona më të sigurta?

Ku është çeta e kusarëve zoti Kryeministër?”- tha Xhaferraj./CNA.al