web counter
LEXO PA REKLAMA!

SHKARKO APP

App Store
Google Play

E fundit!

x

“Partitë e reja, 'kërpudha' politike”/ Ndoka: Të financuar nga Soros dhe Rama për të dëmtuar opozitën

29 Nëntor 2024, 11:31, Politikë CNA

“Partitë e reja, 'kërpudha' politike”/ Ndoka:

Kreu i Partisë Demokristiane, Nard Ndoka, ka deklaruar se partitë e reja apo Shoqëritë Civile që duan të bëhen pjesë e politikës janë të financuara nga George Soros dhe kryeministri Edi Rama për të dëmtuar opozitën.

Gjatë një interviste, Ndoka i ka quajtur kërpudha politike. Sipas Ndokës, organizata kriminale e Soros do të çmontohet.

“Gjykoj që zgjedhja e Trump ishte lajm i mirë për të gjithë botën, kishte marrë pak skiç bota. Organizata kriminale Soros do çmontohet dhe është fat për Shqipërinë, u bë një problem i madh edhe për SHBA dhe drejtësinë atje. E kemi parë vetëm kundër presidentit Trump për ta penguar në politikë dhe fitoi ndaj betejave, madje ka dekrete që presin për çmontimin e kësaj organizate. 'Non grata' e Berishës është e sponsorizuar nga Soros, në aspektin moral kjo ka rënë.

Soros ka edhe te PD, ka mjaft politikanë që kanë kaluar nga shkolla dhe financimet e tij. Ka qenë një organizatë terroriste, ka ndryshuar kurs gjatë rrugëtimit të tij. S'e kuptoj këtë interes kaq të madh të Sorosit të ri. E kemi parë në takime formale me Ramën, dhe ka interesa të fuqishme e aferë këtu, duhet hetuar në të ardhmen, janë interesa financiare, kriptomonedhat dhe duhet të shihet.

Pastrimi i një politike dhe partitë e reja financohen për të dëmtuar opozitën e PD-së. Ka një trend të këtyre aktorëve populistë, po është e rëndësishme t’i evidentojmë rrënjët e tyre të financimit, kanë dalë si kërpudha dhe s’kanë fituar kauza dhe s’kanë besimin e qytetarëve. Janë të sponsorizuar, kjo duket qartë. Këto s’kanë sjellë asgjë në vende të tjera. Ne i kemi rastet e ngjashme, duhet të ruhemi nga ata që të mos kalojmë në aventura politike. Ka nevojë Shqipëria për pluralizëm politik, por jo të tilla dallgëzime që vijnë nga sponsorizime që ka agjendë nga Soros dhe Rama për ta dëmtuar opozitën e PD nga këto 'kërpudha' apo personazhe”, tha Ndoka./ CNA





12:57 Politikë

Iku dhe Fatmir Xhafaj

Dje, mediat, njerëzit e interesuar të politikës panë një s...

Lajmet e fundit nga