web counter
LEXO PA REKLAMA!

SHKARKO APP

App Store
Google Play

E fundit!

x

Baçi: Lirimi i Berishës, fitore që na motivon për të ngritur opozitën

27 Nëntor 2024, 19:38, Politikë CNA
Baçi: Lirimi i Berishës, fitore që na motivon për të
Deputeti i PD-së për qarkun e Fierit, Luan Baçi

GJKKO ka vendosur të lirojë nga arresti në shtëpisë kreun e PD-së, Sali Berisha, një ndryshim i rëndësishëm në jetën politike të së djathtës kur jemi rreth 6 muaj nga mbajtja e zgjedhjeve parlamentare 2025.

Në një intevistë për CNA TV, deputeti i PD-së për qarkun e Fierit, Luan Baçi e ka cilësuar burgojsen 11 mujore të Berishës si një padrejtësi që do të mbahet mend gjatë, që shkaktoi mungesën e Berishës në Parlament por edhe në PD. Baçi për këtë bën fajtor kryeministrin Edi Rama.

“Një padrejtësi që do të mbahet mend gjatë, që i është bërë opozitës në Shqipëri dhe PD-së në veçanti. Izolimi prej 11 muajsh në arrest shtëpiak në mënyrë të padrejtë të kryetarit të opozitës dhe PD-së është një nga padrejtësitë më të mëdha që mund të kenë ekzistuar ndonjëherë. Në mënyrë të turpshme, prokurorë dhe gjyqtarë të ndikuar politikisht, mercenarë në duart e kryeministrit arritën të bënin një padrejtësi të tillë. Dëm kolosal do ta quaja mungesën fizike të doktor Berishës në Parlament dhe në PD. Një dëm i shkaktuar nga kjo mosprezencë, në mënyrë të qëllimtë nga kryeministri Edi Rama dhe ndikimet e tjera ndërkombëtare që kanë qenë prezente në luftën që i është bërë PD-së për ta zhbërë opozitën dhe për të krijuar një opozitë false, për të garantuar një mandat të katërt të një kryeministri të korruptuar siç është Edi Rama.

Lufta që i është bërë Sali Berishës ka qenë luftë kundër demokracisë, kundër pluralizmit. Lirimi i Berishës është një fitore që na motivon për ta ngritur një shkallë më lartë mënyrën e të bërit opozitë”, është shprehur ai.

Baçi: Lirimi i Berishës, fitore që na motivon për të
Kryetari i Partisë Demokratike, Sali Berisha

I pyetur për besimin që PD dhe opozita në tërësi ka ndaj sistemit të drejtësisë, pas shumë deklaratave kundër vendimeve, por edhe përgëzimeve për vendimet në favor të opozitës, Baçi u shpreh se PD nuk ka bërë gjë tjetër veçse ka denoncuar fakte që kanë goditur në mënyrë të padrejtë PD-në.

“PD ka qenë e sulmuar në mënyrë të padrejtë nga prokurë e gjyqtarë. Nuk ka pasur sulme dhe akuza, por fakte konkrete që i kemi denoncuar. Ka ardhur një moment që në sistemin e drejtësisë ka prokurorë dhe gjyqtarë me integritet, të ndershëm e të pavarur që edhe në kushtet e goditjes që kanë nga shefat e tyre dhe nga qeveria aktuale kanë dalë mbi këtë frikë dhe kanë zbatuar ligjin, nuk i kanë bërë nder PD-së, kanë bërë detyrën. Po ashtu edhe gjyqtarja që liroi Berishën dhe e cilësoi vendimin e arrestit shtëpiak të paligjshëm duhet përgëzuar se zbatoi ligjin, nuk i bëri nder Sali Berishës apo PD-së.

Kemi edhe vendime të tjera për afera shumë të rënda korruptive ku vendimet janë të padrejta. Procesi gjyqësor i inceneratorëve, me miliona euro abuzime dhe të kalojnë kaq thjeshtë dhe lehtë me një hetim të përciptë duke kaluar disa individë në procese gjyqësore për t’i dënuar pa i futur në një grup të strukturuar kriminal siç kanë qenë në të vërtetë. Në buxhetin e 2025 janë parashikuar 1.3 miliard lekë nga hajdutët e Edi Ramës për inceneratorin e Tiranës që nuk ekziston. Në këtë drejtim nuk kemi sulmuar, por kemi denoncuar me fakte që kjo drejtësi ka vepruar dhe vepron me stadarde të dyfishta sipas interesave dhe ndikimeve politike. Se kemi ngritur zërin vetëm për Sali Berishën, por edhe për inceneratorët, ‘5D’-në në në Bashkinë e Tiranës me drejtorët e famshëm që bëjnë një firmë dhe vjedhin lekët, për sterizilimin apo edhe PPP-të. Nuk do të ndalojmë së denoncuari”, theksoi Baçi./ CNA





Lajmet e fundit nga