web counter
LEXO PA REKLAMA!

SHKARKO APP

App Store
Google Play

Vendimi i GJKKO-së/ Topalli: Lirimi i Berishës, dëshmi e forcës së qëndresës dhe së vërtetës

27 Nëntor 2024, 11:56, Politikë CNA

Vendimi i GJKKO-së/ Topalli: Lirimi i Berishës, dëshmi e

Drejtuesja politike e PD për diasporën, Jozefina Topalli, reagoi pas lirimit të kreut të opozitës, Sali Berisha.

Për Topallin, lirimi i Berishës është dëshmi e forcës së qëndresës dhe së vërtetës. 

Ajo thekson se rezistenca ndaj këtij regjimi të korruptuar do të vazhdojë, dhe populli nuk do të ndalet deri në rikthimin e lirisë dhe drejtësisë në Shqipëri.

“Sot, pas 350 ditësh padrejtësie, gjykata liroi kryetarin e opozitës, Sali Berisha.

Për 350 ditë, nga dritarja e qelisë, ai nuk reshti së foluri dhe së frymëzuari njerëzit për të rezistuar ndaj një qeverie të zhytur në korrupsion dhe skandale.

Arrestimi i tij ishte politik, një akt në shkelje të Kushtetutës dhe të çdo standardi të drejtësisë. Pa asnjë provë, ai u mbajt peng nga një pushtet që ka frikë nga zëri i qytetarëve dhe opozita e vërtetë.

Lirimi i tij sot është një dëshmi e forcës së të vërtetës dhe qëndresës. Por beteja nuk ka përfunduar! Rezistenca ndaj këtij regjimi të korruptuar vazhdon, dhe populli nuk do të ndalet deri në rikthimin e lirisë dhe drejtësisë në Shqipëri.

Forca e së drejtës është më e madhe se pushteti i padrejtësisë!” shkruan Topalli./ CNA





Lajmet e fundit nga