web counter
LEXO PA REKLAMA!

SHKARKO APP

App Store
Google Play

E fundit!

x

A do të hyjë PD në zgjedhje pa qeveri teknike?/ Si përgjigjet Luçiano Boçi

26 Nëntor 2024, 22:54, Politikë CNA
A do të hyjë PD në zgjedhje pa qeveri teknike?/ Si
Ish-deputeti Luçiano Boçi

Ish-deputeti Luçiano Boçi u pyet nëse Partia Demokratike do të hyjë në zgjedhje pa qeveri teknike.

Boçi tha në emisionin "Opinion" se PD do ta vazhdojë betejën e mosbindjes civile me bindjen që do marrë qeverinë teknike.

Megjithatë, ai deklaroi se PD nuk ka asnjë plan për bojkot të proceseve zgjedhore.

"E kuptova shumë mirë. Mosbindja civile do vazhdojë me akte të tjera, më frekuente. Mund të jetë dhe afër në Dhjetor, por edhe në forma të tjera. Sot ka një bindje shumë të madhe që qëndresa e qytetarëve nuk mposhtet. Ka dhe mbështetje dhe përkrahje në opinionin publik sado deformohet, sado që shpërndahen mesazhe sikur nuk ka pasur solidaritet. Kjo nuk është e vërtetë sepse ne nuk transmetuam nga qytetarët diçka të tillë. Do insistojmë në mosbindje civile. Jo thjesht në format që nuk janë ekzekutuar, por duke performuar edhe në forma të tjera. Nuk jemi në fushën e shkencave ekzate.

Ne do vazhdojmë betejën tonë me bindjen që do marrim qeverinë teknike. PD nuk është shprehur për bojkot të proceseve zgjedhore, por kjo nuk do të thotë që po të jap përgjigjen që ti do, jo se do ti, ti je gazetar dhe normal do. Përgjigja ime është do bëjmë aksionin tonë të mosbindjes civile për të arritur te qeveria teknike. Unë kur e kam bindje këtë dhe duke parë progresionin e akteve të mosbindjes civile nuk mund të them që prashikoj që mosbindja do dështojë. Jam shumë i bindur që do të ketë sukses", theksoi ish-deputeti./ CNA





Lajmet e fundit nga