web counter
LEXO PA REKLAMA!

SHKARKO APP

App Store
Google Play

E fundit!

x

"Vatra" përshëndet vendimin e gjyqësorit për lirimin nga arresti të Sali Berishës

28 Nëntor 2024, 07:05, Politikë CNA

"Vatra" përshëndet vendimin e gjyqësorit për

Kryetari i Federatës Panshqiptare të Amerikës "VATRA", Elmi Berisha, ka përshëndetur vendimin e Gjyqësorit për lirimin nga arresti shtëpiak të liderit të opozitës, Sali Berisha.

Sipas tij, ky vendim është lajm i mirë për Shqipërinë, ambientin politik, klimën parlamentare, demokracinë dhe pavarësinë e Gjyqësorit në Shqipëri.

“VATRA PËRSHËNDET VENDIMIN E GJYQËSORIT SHQIPTAR PËR LIRIMIN NGA ARRESTI TË LIDERIT TË OPOZITËS PROF. DR. SALI BERISHA

Kryetari i Federatës Panshqiptare të Amerikës "VATRA" mirëpret vendimin e gjygjësorit shqiptar për lirimin nga arresti shtëpiak të liderit të opozitës shqiptare Prof. Dr. Sali Berisha.

Ky vendim është lajm i mirë për Shqipërinë, ambientin politik, klimën parlamentare,  demokracinë dhe pavarësinë e gjygjësorit në Shqipëri.

Në këtë kohë dinamike kur Shqipëria angazhohet për integrim në BE, një mjedis stabil politik me funksionim të mirëfilltë të institucioneve të drejtësisë dhe raporte brenda normave të konkurencës politike pozitë - opozitë i duhet më shumti Shqipërisë dhe shqiptarëve.

Duke i dëshiruar shëndet dhe punë të mbarë Dr. Berishës, unë si kryetar dhe "VATRA" si organizata më e vjetër shqiptare në SHBA, besojmë fuqishëm në drejtësinë dhe fuqinë e së drejtës dhe të vërtetës.

Urojmë që të dëgjojmë vetëm lajme të mira nga  atdheu i ynë i begatë.

Me shpresën për tu takuar së shpejti në Tiranë dhe Uashington”, shkruan Elmi Berisha./ CNA





Lajmet e fundit nga