web counter
LEXO PA REKLAMA!

SHKARKO APP

App Store
Google Play

“Opozita do përballet me zgjedhjet për Tiranën”/ Mediu: Nuk kam asnjë vlerësim për Erion Veliajn

26 Shtator 2025, 16:41, Politikë CNA

“Opozita do përballet me zgjedhjet për Tiranën”/

Kreu i Partisë Republikane, Fatmir Mediu komentoi sot situatën politike në vend, teksa u ndal te zhvillimet e fundit pas shkarkimit të ish-kryebashkiakut të arrestuar të Tiranës, Erion Veliaj.

Në një dalje televizive, Mediu u shpreh se nuk ka asnjë vlerësim për Veliaj, as nga pikëpamja njerëzore, e as nga ajo politike.

Mediu tha se tanimë me hapjen e garës, opozita duhet të përballet me zgjedhjet, edhe pse i konsideron si farsë.

 “Për fatin e keq jemi në një moment ku vendos një njeri. Personalisht nuk kam vlerësim për Erion Veliajn nga pikëpamja njerëzore, por dhe nga ajo e politikës. Elementët që ia garanton kushtetuta dhe ligji duhet t’i gëzojë. Siguria juridike është me rëndësi. Nuk bëhen proceset as në media, as në këshillat e lagjeve, por se si e përcakton ligji dhe pushteti. Ky është një proces për interesa të konsolidimit të pushtetet të një njeriu, siç është Rama. Mendoj se opozita, me gjithë kushtet e një farse elektorale, që u konstatua dhe nga OSBE/ODHIR, është e detyruar që të përballet me zgjedhjet”,-tha Mediu./CNA





Lajmet e fundit nga