web counter
LEXO PA REKLAMA!

SHKARKO APP

App Store
Google Play

“Ofrojmë program konkret për fermerin”/ Berisha: Qeveria Rama ka doktrinën e mashtrimit

20 Prill 2025, 18:44, Politikë CNA

“Ofrojmë program konkret për fermerin”/ Berisha: Qeveria

Kreu i Partisë Demokratike, Sali Berisha zhvilloi sot një takim me fermerët në Gjergjan të Elbasanit. Në fjalën e tij, Berisha vuri theksin te programi i PD-së për bujqësinë.

Berisha u shpreh se PD synon të ngrejë bankën zhvillimore për t’iu ofruar fermerëve linja krediti.

Berisha tha se do të krijohet fondi i veçantë për mbrojtjen e prodhimit nga fatkeqësitë natyrore dhe në rast mbiprodhimi, fermeri do të shpërblehet me çmimin bazë.

Berisha akuzoi qeverinë se ka një zakon të çuditshëm, që e quajti doktrinën e mashtrimit.

“Ne do të ngremë bankën zhvillimore të shtetit, me të cilën ju do të merrni linja krediti të buta. 80% të interesit do e paguajë shteti për ju.

Cilido që ka nevojë, do të adresohet aty me planin e biznesit dhe me projektin e tij, qeveria d oi mbulojë 80% të interesit.

Qeveria do të krijojë fondin e veçantë për t’ju mbrojtur ju, nga fatkeqësitë natyrore dhe për t’u shpërblyer ju me çmimin bazë të produkteve që mund t’ju shkatërrojë moti dhe faktorë të tjerë. Por, qeveria do t’ju mbrojë ju edhe nga mbiprodhimi.

Mbiprodhimi ndodh, edhe në këtë rast absolutisht, çdo mbiprodhim do të shpërblehet me çmimin bazë, në mënyrë që ju dhe fermerët të mos kërcënoheni nga falimentimi.

Janë mijëra fermerë që e pësojnë nga ngricat. Edhe ngricat që kaluan. Ngricat e 2-3 javëve më parë kanë dëmtuar mijëra e mijëra fermerë, në të katërta anët e vendit. Në Korçë, në Peshkopi, në të gjitha zonat.

Sigurisht që, shteti do ketë një fond, dhe ai fond do t’u përgjigjet fermerëve për prodhimin me çmim bazë.

Qeveria merr përsipër investime shumë serioze në vaditje, në kullim dhe mbrojtjen e e tokës. Ne, jemi një vend plot ujëra. Nuk ka vend me ujëra më shumë se sa ne. Megjithatë, sipërfaqet e vaditjes, jo që nuk shtohen, por zvogëlohen.

Hidrocentrali i Banjës, para së gjithash, është vepër vaditës. Dhe kur ne e ndërtuam atë, e ndërtuam së pari si vepër vaditës, dhe pastaj si vepër energjitike.

Që nga ajo kohë, një kanal nuk është hapr,në mënyrë që zonat të përfitojnë. Ai, është një rezervuar gjigant. Asnjë!

Se, këta kanë një zakon të çuditshëm. Këta, në doktrinën e mashtrimit, nuk ka në botë njerëz që të inagurojnë si këta.

Thoshte bukur sot, një analist i njohur: gjer në vitin 2013 kishim parë, thotë, që bëhej inagurimi në fillim të punimeve dhe kur përfundonin. Kurse tani bëhen 13-15 inagurime për të njëjtën gjë, sepse i ndajnë në lote”,-tha Berisha./CNA





Lajmet e fundit nga