web counter
LEXO PA REKLAMA!

SHKARKO APP

App Store
Google Play

“Numërimi për Tiranën pati parregullsi”/ Alimehmeti: Unë rrugën time e kam institucionale

9 Qershor 2025, 21:56, Politikë CNA

“Numërimi për Tiranën pati parregullsi”/ Alimehmeti:

Kandidati i Partisë Demokratike në listën e hapur për Tiranën, Ilir Alimehmeti tha sot se procesi i numërimit të votave nga zgjedhjet parlamentare të 11 majit në Qarkun Tiranë kishte parregullsi të mëdha.

I ftuar në një studio televizive, Alimehmeti u shpreh se ai si kandidat ka pasur indicie për këto parregullsi.

Alimehmeti u ndal edhe te proceset që po zhvillohet lidhur me këtë çështje nga institucionet kompetente.

Sipas Alimehmetit, rruga që ai do të ndjekë është ajo institucionale.

“Numërimi kishte dy procese; i pari ishte numri i mandateve që shihej me kujdes nga subjekti politik se edhe interesi publik është më i madh, nuk ka rëndësi emri. Dhe momenti i dytë ishin kandidatët e listës së hapur që hynin në lojë në një moment të dytë. Ne kemi patur vëzhguesit tanë. Dhe nga këta njerëz ne kemi indicie të parregullsive të mëdha. Unë rrugën time e kam institucionale dhe i jam drejtuar KQZ-së me një sërë vërejtjesh e provash, të cilët ato kanë gjykuar që të mos i shohin po të rrëzojnë kërkesën me një artificë ligjore, dhe nuk kanë folur asgjë për provat në vetvete. Por fakti që u rikthyen dhe kërkojnë rinumërimin do të thotë që është mbështetje e plotë nga ana e PD për këtë gjë dhe nga an tjetër patjetër që ka parregullsi. As ne nuk do të kishim ankesa, po të mos kishte parregullsi. Janë shumë më të qartë njerëzit se institucionet”.-tha Alimehmeti./CNA





Lajmet e fundit nga