E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Pas Tiranës, Berisha kërkon hapjen edhe të kutive të Fierit, në radhë Elbasani dhe Durrësi

9 Qershor 2025, 20:12, Politikë CNA

Pas Tiranës, Berisha kërkon hapjen edhe të kutive të Fierit,

Pasi u kërkua hapja dhe kqyrja e fletëve të votimit të të gjithë kutive të qarkut Tiranë, sot 2 anëtarë të KAS kërkuan edhe hapjen dhe kqyrjen e fletëve të votimit edhe të qarkut Fier.

Nesër KAS ka njoftuar shqyrtimin e ankimimit të PD për qarkun Elbasan, Durrës, Berat dhe Vlorë.

Nëse ndjekim logjikën e deritanishme, PD ka anashkaluar kërkesat për hapje kutish dhe kqyrje të fletëve të votimit për qarqe si Kukësi, Lezha, Korça dhe Gjirokastra.
Por kriteri i përzgjedhjes duket se ka lidhje me pretendime dhe përgjegjësi të drejtuesve të qarqeve të caktuara përveç se me numrin masiv të kutive që kërkohen të kqyren.

Kështu Flamur Noka në Tiranë dhe Gazmend Bardhi në Fier, po përpiqen që në mos të zbrazin përgjegjësinë personale, të paktën të shtyjnë analizën e përgjegjësisë mbi ata vetë në këto 2 qarqe mbi të cilat 2 anëtarë të KAS kanë vënë veton.
Nga ana tjetër edhe vetë Berisha synon që të shtyjë sa të jetë e mundur valën e kërkesave nga ajo PD e mbetur, lidhur me përgjegjësinë e tij personale si kryetar i PD.

Nëse ndodh ajo që pritet, pra kërkesa për kqyrje të të gjjtha kutive në 4 ose 5 nga qarqet më të medha të vendit, atëherë këto zgjedhje do shënojnë rekord jo vetëm per kohëzgjatjen e shqyrtimit të ankimineve, por edhe për kostot e shtuara që Buxheti i Shtetit do i duhet të vërë në dispozicion të zgjedhjeve. Dhe gjithshka thjesht dhe vetëm me kërkesë të 2 anëtarëve të KAS.
Në rastin më të mirë, pra nëse nga këqyrja nuk do rezultojnë gabime përtej gabimeve njerëzore, rezultatet e kqyrjes do ndikojnë më së paku në nevojën për shfuqizimin e kompetencës që Kodi u njeh sot 2 anëtarëve të KAS për të kërkuar hapjen pa kufizim e pa kriter të kutive. Sa për vrasje ndërgjegjesh për fondet e harxhuara më kot, për këtë nuk ka shumë norma të shkruara.
Sidoqoftë, pa pritur atë që do ndodhë më pas, që tani është e qartë që kërkesa për hapjet e kutive vijnë nga Berisha e jo nga ndonjë frymë tjetër. 2 anëtarët e KAS nuk kanë vepruar mbi bindjet e tyre personale. Po aq më e pamundur duket që të dy ata t'i ketë bindur Marashi!