web counter
LEXO PA REKLAMA!

SHKARKO APP

App Store
Google Play

"Njerëz në PD të hapin krahun pas dështimit"/ Kalaja: Kam parë 60 kuti, 39 janë me probleme

6 Qershor 2025, 18:58, Politikë CNA

"Njerëz në PD të hapin krahun pas dështimit"/

Kandidati i koalicionit “PD-ASHM” për qarkun e Durrësit, Aulon Kalaja në një dalje televizive ka folru për rezultatin zgjedhor të 11 majit dhe përgjegjësisve që duhet të mbajë opozita.

Kalaja tha se shumë njerëz në PD pas dështimit më 11 maj duhet të hapin krahun. Më tej Kalaja tha se është kundër idhujve në parti dhe kultit të individit.

 

“Shumë njerëz në PD duhet të hapin krahun pas dështimit në zgjedhje dhe analizës që do bëhet pas betejës juridike. Duke filluar edhe nga vetja ime, të shikohet edhe rezultati nëse është i duhuri. Edhe ata që kanë humbur në kutitë e veta duhet të mbajnë përgjegjësi. Unë do jap njëherë shembullin tim, pastaj të tjerët. Unë jam kundër idhujve dhe kultit të individit. Në lidhje me strategjinë e koalicionit dhe Berishës për fushatën duhet pyetur ai nëse duhet të dilte si kandidat për kryeministër apo jo”, tha Kalaja.

 

Gjthashtu Kalaja u ndal dhe te pretendimet e kandidatëve të listës së hapur për votat personale.

Ai tha se nga kqyrja e pamjeve filmike, i ka rezultuar se nga 60 kuti që ka parë, 39 prej tyre janë me probleme.

 

“U kërkua edhe metodologjia e provave, që të mbahej shënim vota dhe të caktohej procesverbali me shënim. Rusmali kërkoi përmbledhjen e këtyre në 1 minutë, që është e vështirë dhe unë e kam bërë këtë, pavarësisht. Deri tani kam parë 60 kuti, nga të cilat 39 janë me probleme, teksa Durrësi ka mbi 500 kuti. Unë kam parë 10% të kutive deri tani. Madje ka pasur medhe probleme ku PS merr vota të pavlefshme. Ka edhe vota të një kandidati me pak vota që i është marrë nga numëruesit, se janë parë si të dobët. PD ka kërkuar edhe transparencë, ka kërkuar hapjen e kutive, atë që kërkoj dhe unë, e në parim jemi me një objektiv të përbashkët. Debati në KAS ka qenë më shumë juridik”, u shppreh Kalaja./ CNA





Lajmet e fundit nga