LEXO PA REKLAMA!

SHKARKO APP

App Store
Google Play

Nuk u bë pjesë e asnjë koalicioni/ Agron Duka tregon pse do të garojë i vetëm në zgjedhje

24 Mars 2023, 22:19, Politikë CNA

Nuk u bë pjesë e asnjë koalicioni/ Agron Duka tregon pse do

Kryetari i Partisë Agrare Ambientaliste, Agron Duka është shprehur se ai ka vendosur që garojë në zgjedhjet e 14 Majit me logon e forcës politike që kryeson dhe jo në koalicion sepse i humbet sigla e partisë që përfaqëson.

Gjatë një interviste me gazetarin Arian Çani, Duka u shpreh arsyeja e këtij vendimi ishte sepse me anë të kandidimit me këshilltarë në të gjithë bashkitë e Shqipërisë, ata po rifreskojnë strukturat e tyre në parti dhe po ngrenë të reja. 

“Nëse hyn në një koalicion humbet sigla jote dhe nuk mund të konkurrosh në listën tënde të këshilltarëve. Duke qenë se partia nuk ka konkurruar asnjëherë që nga 2015 sepse dihen arsyet. Njëherë ishte marrëveshja Basha-Rama, njëherë nuk hymë në zgjedhjet vendore.

Kështu që nëse do të pranonim një aleancë qoftë me Berishën apo me të tjerë nuk do të mund të hynim nën siglën e Partisë Agrare Ambientaliste. Këto beteja elektorale në një farë mënyre i japin shumë ndihmë një partie të dimensioneve tona. Ne kemi pasur një garë në Ersekë para disa vitesh dhe ka qenë më mirë strukturat e partisë.

Më pas duke mos marrë pjesë në asnjë garë elektorale, u tkurrëm. Sot, nëpërmjet kandidimit me këshilltarë në të gjithë bashkitë e Shqipërisë, ne po rifreskojmë strukturat dhe po ngremë të reja. Kjo është arsyeja pse kemi dalë vetëm. Nuk jemi kundër askujt. PD ka problemet e veta por jo me ne”, tha ai./CNA

Lajmet e fundit nga