E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Nuk iu dha leje për betim/ Fredi Beleri ngre gishtin ndaj Ramës: Porosi politike

29 Janar 2024, 11:56, Politikë CNA

Fredi Beleri

Pas vendimit të sotëm të dhënë nga Apeli i Gjykatës së Posaçme, për mosdhënien e lejes për betim, ka reaguar edhe kryebashkiaku i zgjedhur i Bashkisë së Himarës, Fredi Beleri.

Ai shprehet se vendimi i sotëm është i diktuar nga Edi Rama.

"Nën dirigjimin e zëvendësprokurorit politik të SPAK-ut, Adnand Xholi, duke keqpërdorur prokuroren Dorina Bejko, dhe me mbulimin që u ben falsifikimeve në procesin tim, prokurori Edvin Kondili, kjo treshe mbaron çdo porosi të Kryeministrit Rama për sulmin antikushtetues ndaj zgjedhjeve në Himarë", shprehet ai.

Reagimi i plotë:

Sot Gjykata e porositur prej pushtetit politik , goditi edhe një herë zgjedhjet në Himarë. Gjashtë muaj pas kërkesës time, zbatoi urdherin e Kryeministrit – Gjyqtar Suprem , për mos të më dhënë leje për t`u betuar dhe të marrë mandatin.

Pa betimin nuk behet efektiv mandati. Pa betimin dhunohet e drejta kushtetuese e zgjedhjeve. Duket sikur ne Himare nuk jane bere zgjedhje. Me force pushteti, në kundershtim me Kushtetuten, dhe me bekimin pa ligj të një gjykate personale të Kryeministrit, po shkelet çdo parim , normë kushtetuese dhe Europiane për mos të leshuar Bashkine e Himares.Nen dirigjimin e zevendesprokurorit politik të SPAK Adnand Xholi, duke keqperdorur prokuroren Dorina Bejko, dhe me mbulimin qe u ben falsifikimeve ne procesin tim prokurori Edvin Kondili, kjo treshe mbaron cdo porosi te Kryeministrit Rama per sulmin antikushtetues ndaj zgjedhjeve në Himarë.

Per t`i dhene nje dore ketij sulmi ndaj zgjedhjeve te lira ne Himare , u kujdes edhe Kryetarja e GjKKO, Irena Gjoka duke keqperdorur gjyqtarin relator Erjon Çelen.

Nje “ndihmesë” e dha sot me refuzimin e lejes gjyqtarja Daniela Shirka. Ajo ne kundershtim me ligjin dhe vendimin e Gjykates se Larte, e gjykoi çështjen si gjyqtare e vetme.

E gjykon e vetme se nuk gjen dot dy të tjerë që të poshtërojnë kaq shumë Kushtetutën dhe të drejtën e zgjedhjes në Himarë. Kujtojmë se disa gjyqtare qe u caktuan ne procesin tim penal, kane dhene doreheqjen se në fund të fundit nuk donin dhe refuzuan qe të shkelnin ligjin dhe Kushtetutën e Shqiperise ne menyre flagrante.

Prej dy muajsh kam bërë kallëzim ne SPAK per gjyqtarët Irena Gjoka dhe Erjon Cela dhe prokuror Edvin Kondili. Jane te vetmit magjistrate qe kam kallëzuar, se me veprimet tyre kane siguruar që të mos më garantohet proçes i rregullt ligjor, të administrohen akte të fallsifikuara ne demin tim , të nxisin pushtetin qëndror për veprime antikushtetuese ndaj Bashkise Himarë, duke mohuar parimin më të shenjtë të demokracisë, qeverisjen nëpërmjet zgjedhjeve të lira.

Gjithë vëmendja jone është tek Gjykata Kushtetuese. Atje kam depozituar disa kerkesa. Prej tre muajsh ka kaluar per gjykim ankimi im ndaj mases se sigurimit dhe akoma nuk ka nje date gjykimi. Presioni i Ramës qëndron i rëndë edhe atje.

Presim që Gjykata Kushtetuese të paktën të mbrojë Demokracinë, të mbrojë Kushtetutën!

Shpresa vdes e fundit, por dita ditës, këtij vendi po i vdes edhe shpresa!

Beleri, kryebashkiaku i zgjedhur i Himarës, akuzohet për blerje votash në zgjedhjet e 14 majit të vitit të kaluar. Në Gjykatën e Posaçme ai ka ankimuar edhe vendimin për masën "arrest me burg", por dhe kjo është refuzuar nga trupa gjykuese.

Çështja "Beleri" ka sjellë edhe reagimin e Athinës zyrtare, e cila bën thirrje për lirim. Ndërkohë kryeministri Edi Rama është shprehur se kjo është një çështje që i takon drejtësisë./CNA