web counter
LEXO PA REKLAMA!

SHKARKO APP

App Store
Google Play

E fundit!

x

Një mjek, kandidat për Maliqin/ Berisha: Alfred Gega, njëri nga humanistët më të shquar shqiptarë

19 Prill 2023, 18:07, Politikë CNA
Një mjek, kandidat për Maliqin/ Berisha: Alfred Gega, njëri nga
Kryetari i koalicionit “Bashkë Fitojmë”, Sali Berisha me kandidatin për Maliqin, Alfred Gegën

Kryetari i koalicionit “Bashkë Fitojmë”, Sali Berisha, ka prezantuar sot kandidatin për Maliqin, Alfred Gegën, për të cilin u shpreh se është njëri nga humanistët më të shquar shqiptarë.

Gjatë fjalës, Berisha tha se Gega ka trajtuar me mijëra e mijëra të sëmurë dhe u është përgjigjur ditën dhe natën kërkesave e telefonatave tuaja të qytetarëve.

Ai theksoi se me Alfred Gegën si qytetar të parë të Maliqit dhe kandidatët e primareve në mbarë vendin shqiptarët do të shpëtojnë nga pushteti i atyre që përdorën atë në  mënyrën më të shfrenuar për pasurimin e vet.

“Të dashur miq është për mua një nder i madh, një kënaqësi e veçantë të paraqes sot kandidatë për kryetar bashkie njërin nga bijtë më të shquar të Maliqit, njërin nga bijtë më të respektuar të kësaj treve, por ju them këtu njërin nga humanistët më të shquar shqiptarë sot, pasi Alfred Gega mishëron në mënyrën më të shkëlqyer të gjithë aftësitë profesionale të mjekut me njerëzinë e madhe të një humanisti të shkëlqyer.

Alfred Gega vjen sot para jush, pasi gjatë karrierës së tij mjekësore ka trajtuar me mijëra e mijëra të sëmurë, por edhe pas gjatë karrierës së tij mjekësore u është përgjigjur ditën dhe natën, në çdo kohë kërkesave, telefonatave tuaja dhe të qytetarëve të Korçës për t’i ndihmuar ata vetë, apo me kolegët e tij, çka e vendos atë në një nivel shumë të lartë të humanizmit mjekësor.

I gjithë ky entuziazëm, kjo frymë është energjia e ndryshimit të shumëpritur. Është fryma e një fitoreje e cila më datë 14 maj, jo vetëm do të vendosë Alfred Gegën si qytetar të parë të Maliqit, dhe kandidatë të Primareve në mbarë vendin, por është fryma e triumfit të demokracisë, vlerave, fryma e ndryshimit të madh, është fryma e cila do të shpëtojë shqiptarët nga pushteti i atyre që përdorën atë në  mënyrën më të shfrenuar për pasurimin e vet”, theksoi kreu i koalicionit “Bashkë Fitojmë”./ CNA.al





Lajmet e fundit nga