web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj i "qahet" shefes së OSBE/ODIHR-it/ "Ankohet" për marrjen e selisë nga Berisha

19 Prill 2023, 12:39, Politikë CNA

Alibeaj i "qahet" shefes së OSBE/ODIHR-it/ "Ankohet"

Kreu i komanduar i PD-së, Enkelejd Alibeaj, ka dhënë një deklaratë për mediat pas takimit me shefen e OSBE-ODIHR-it, Audrey Glover.

Alibeaj ka zbardhur takimin ku është shprehur se ka folur me Glover rreth zgjedhjeve politike dhe e ka njoftuar për situatën në në të cilën ndodhet PD-ja.

Ai është shprehur se mediat po keqpërdoren si dhe ka denoncuar financimin e partive politike.

Ndër të tjera ai i është "ankuar" Gloverit për marrjen e selisë së Partisë Demokratike nga drejtuesi i koalicionit "Bashkë Fitojmë", Sali Berisha.

"E kam njohur me faktin që ajo seli që është e Partisë Demokratike atje në atë seli rrinë persona të tjerë. Mospërfshirja në fletët e votimit dhe e saktësova se kush janë subjektet zgjedhore dhe keqpërdorimin e mediave.

Unë i bëra të qartë gjithçka në mënyrë të qartë për situatën brenda PD-së, pozicionin që kemi mbajtur, situatën tonë, presionin që ndodhemi, pse ka ndodhur kjo, keqpërdorimin e mediave në mënyrë të papërshtatshme.

PD është nisur për të bërë një fushatë për qytetarët e saj kundër regjimit", tha ai./CNA.al





Lajmet e fundit nga