LEXO PA REKLAMA!

SHKARKO APP

Ndërtimi i shkollës “Hillary Clinton” në Kamëz/ PD: Abuzim nga treshja Rama-McGonigal-Derispaska

19 Prill 2023, 15:26, Politikë CNA

Ndërtimi i shkollës “Hillary Clinton” në Kamëz/

Shefi i organizimit të PD-së, Klevis Balliu, ka zbuluar një tjetër abuzim fondesh nga qeveria e Edi Ramës, para, të cilat, sipas tij, kanë shkuar si një financim i drejtpërdrejtë për ish-zyrtarin e lartë të FBI-së, Charles McGonigal.

Balliu, nëpërmjet një deklarate për mediat, ka treguar abuzimin që është bërë me fondet e shkollës “Hillary Clinton”  në Bashkinë Kamëz, fond i cili ishte 7.08 milionë euro.

Ndërtimi i shkollës, sipas Balliut, është një tjetër abuzim, pasi mesatarja për ndërtimin e një shkolle në BE është 700 mijë euro.

Përgjatë muajve të fundit, Partia Demokratike, mbështetur në referenca amerikane, media të mëdha dhe institucione shtetërore, ka denoncuar lidhjet politike të Edi Ramës me agjentin e tupëruar të FBI-së, Charles MeGonigal, dhe nëpërmjet tij me Oleg Deripaskën, oligarkun e Putinit të sanksionuar në SHBA.

Edi Rama, tashmë është fakt publik, ka paguar Charles McGonigal për të asgjësuar opozitën shqiptare.

Përfitimet e McGonigal nuk ishin vetëm paratë që merrte ilegalisht si mi parkingjesh, por sidomos tenderat dhe aferat korruptive të qeverisë, ndër të tjerë, me oligarkun e Putinit, Deripaskën.

Sot Partia Demokratike bën publike një tjetër dëshmi të këtyre lidhjeve dhe fakton aksin e dyshimtë politiko-financiar të treshes Rama-McGonigal-Deripaska.

Shkolla 'Hillary Clinton' në Bashkinë Kamëz, që drejtohet nga Rakip Suli, ka kushtuar 7.08 milionë euro (përfshirë TVSH-në) dhe është ndërtuar nga kompanitë në zotërim të Deripaskës (JOINT VENTURE, STRABAG & TREMA ENGINEERING 2 SH.P.K.).

Ndërtimi i shkollës ishte pjesë e procesit të rindërtimit dhe u sigurua nga banka gjermane, KFW. Prokurimin e ka bërë Fondi Shqiptar i Zhvillimit në korrik 2022. Po t'i kushtoni vëmendje datës, pasi Deripaska është sanksionuar nga SHBA-ja si i dyshuar për përfshirje në vrasje dhe pastrim parash të Putinit.

Këtu, si në raste të tjera të panumërta, kemi të bëjmë me abuzim fondesh, pasi mesatarja për ndërtimin e një shkolle në BE është 700 mijë euro. Shpenzimi prej 7.08 milionë eurosh për shkollën 'Hillary Clinton' është 10-fishi i vlerës reale.

Qartësisht, në këtë rast nuk bëhet fjalë për ndërtimin e një shkolle, por për pagesat e Edi Ramës për Charles McGonigal.

Këto afera, këto para që duhet të shkonin për shkolla dhe shtëpi, në Kamëz apo kudo, përfunduan në xhepat e McGonigalit, si pagesa për misionin antishqiptar dhe antiamerikan të asgjësimit të opozitës dhe tradhtisë së qeverisë dhe popullit amerikan.
Ka një ironi, apo sic e quan Rama një ‘karma’ në gjithë këtë histori. Ai që ka në gojë 'rubla' për kundërshtarët e tij është provuar tashmë se nuk është asgjë më shumë se një tub ajrimi për eurot që u vjedh shqiptarëve. Ironia më e madhe është se, në rindërtimin e një shkolle me emrin e një ish-Sekretareje Shteti dhe një mikeje të Shqipërisë, financuar me para të aleatëve gjermanë, Edi Rama dhe Rakipi i tij në Kamëz, ia japin një oligarku rus.

Partia Demokratike u bën thirrje institucioneve ligjzbatuese, SPAK-ut, etj., të nisin menjëherë hetimin për të gjetur se ku kanë shkuar dhe si janë abuzuar paratë e aleatëve të Shqipërisë, të cilët japin fonde për shqiptarët dhe jo për agjentët e dyfishtë, dhe as për aferat korruptive të Ramës me duçka.

Më 14 maj duhet të bëhemi të gjithë bashkë, sepse vetëm bashkë fitojmë.
Ndryshimi është në duart tuaja dhe çdo vendnumëro me këta nëpër këmbë nuk është asgjë më shumë se një ngecje në kënetën e batakçinjve që të vjedhin dhe të përçmojnë”, tha ai./CNA.al

 

 

 

Lajmet e fundit nga