E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

"Inshallah vazhdojnë kështu si e kanë nisur"/ Veliaj paralajmëron Metën dhe Berishën

19 Prill 2023, 17:36, Politikë CNA

"Inshallah vazhdojnë kështu si e kanë nisur"/ Veliaj

Kryebashkiaku Erion Veliaj ka thumbuar ashpër opozitën duke iu përgjigjur dhe deklaratave të tyrë të mëparshme ku pohojnë se nuk i njohin anëtarët e Këshillit bashkiak të Tiranës.

Veliaj në mbledhjen e tij me Këshillim bashkiak të Tiranës deklaroi se non-gratat dhe fuksat e sigurimit nuk i njohin anëtarët e këshillit pasi për 4 vite u larguan nga detyrimet e tyre.

Më tej, Veliaj është shprehur se uron që opozita të eci më këtë ritëm sepse me mnedtë që kanë nuk do të marrin pjesë në Këshill.

"Kur dëgjoj kundërshtarët tanë, këta non-gratat dhe fuksat e Sigurimit, që thonë se nuk e dimë kush janë anëtarët e Këshillit Bashkiak, kam kohë që pres t’u jap një përgjigje! Them nuk keni si ta dini se ju ikët nga Këshilli Bashkiak. Ju dezertuat! Së pari, detyra e Këshillit Bashkiak nuk është që të njihet, është që të shërbejë. Këtë detyrë e ka kryer më së miri edhe në ditët e pandemisë, edhe kur ishim në karantinë, edhe në ditët e tërmetit, edhe në ditët e inflacionit të luftës që duhet të merrnin shumë vendime për subvencionimet dhe gjithë punët e tjera që bëmë, siç ishte ajo e subvencionimit të abonesë të cilën ne e paguajmë 100% për studentët, si dhe gjysmën e tarifës së konvikteve. Ti nuk mund të njohësh njerëzit nëse ti nuk shërben me ta, nëse nuk punon me ta. Në politikë vendet ku ti shërben janë Këshilli Bashkiak dhe Parlamenti. Nëse ti e braktis këtë detyrë dhe kujtohesh pas katër vitesh dhe thua pse nuk i njoh? Nuk i njeh se nuk ishte aty ku qyteti, vendi kishte nevojë për vendimmarrjen tënde,” deklaroi Veliaj.

“Ne e kemi stekën shumë lart për nxënësit dhe për çdo profesion tjetër, ndërkohë, e kemi shumë stekën poshtë për politikanët që kujtohen pas katër vjetësh dhe thonë kush janë anëtarët e Këshillit Bashkiak. “Inshallah vazhdojnë si e kanë nisur, se me siguri edhe në këtë Këshill nuk do marrin pjesë me mendtë që kanë. Për sa kohë ne e kemi këtë detyrë, edhe mision, edhe privilegj, deri ditën e fundit kur ky këshill është betuar të shërbejë do vazhdojë të shërbejë”, nënvizoi ai më tej./CNA.al