web counter
LEXO PA REKLAMA!

SHKARKO APP

App Store
Google Play

E fundit!

x

Nga Sali Berisha/ Shqipëria gdhiu sot me një kryeministër të ri

7 Prill 2024, 13:06, Politikë CNA

Nga Sali Berisha/ Shqipëria gdhiu sot me një kryeministër të

Çdo ditë dhe çdo javë opozita dhe mediat denoncojnë vjedhje mbas vjedhjeje nga qeveritarët qendrorë dhe lokalë dhe piramida e tyre e hajnisë.


Por dje u shpërfaq para shqiptarëve, më e shëmtuar se kurrë, fytyra e vërtetë e Republikës së vjedhësve. Dje ndeshja midis kryebajlozit të zi të vjedhjve të qeverisë Edi Rama dhe kryebajlozit të zi të vjedhjeve të Bashkisë Erion Veliaj u fitua 100% sapo filloi raundi i parë nga Lali Vjedhësi.

Në daljen e tij publike kundër Edi Ramës dhe SKAP-it të kontrolluar prej tij Erion Veliajt:

-Së pari mbrojti drejtorët e tij hajdutë me të cilët ka vendosur modelin e vjedhjes 100% të dhjetëra miliona eurove në prokurime publike. Ai nuk u tha atyre se keni ngrënë fiq prapa shpinës sime, por i shpalli ata si kolegë heronj të vërtetë të tij dhe qytetit të Tiranës dhe vetëkuptohet si viktima të SKAP-it të kontrolluar nga Edi Rama.


-Së dyti me daljen e tij terrorizuese për Edi Ramën, Veliaj pasi paraqiti si heronjtë e tij dhe viktima të SPAK-ut kolegët e tij, shkoi direkt tek Edi Rama, i ra kokës atij me Arben Ahmetajn, zëvendësi më i ngushtë dhe në arrati i Edi Ramës. Jo të gjithë e kuptuan se pse Veliaj zgjodhi Arben Ahmetajn për të kërcënuar Ramën.


Gjykuar nga efekti kapitullant që pati mbi Ramën sulmi me Arben Ahmetajn, arsyeja pse Veliaj zgjodhi pikërisht Ahmetajn qëndron në deklaratën e këtij të fundit se ‘njerëzit do llahtarisen kur të mësojnë të vërtetat për djegësin e Tiranës’. Pra del qartë se të vërtetat llahtarisëse që dinë Arben Ahmetaj për Ramën i di, madje dhe më në thellësi, Lali Vjedhësi i cili deri sot ka zhdukur 100% të 130 milionë eurove para të paguara nga Edi Rama të taksapaguesve shqiptarë për sipërmarrjen Rama-Veliaj, djegësin e Tiranën që sot pas gjashtë viteve nuk ka nam as nishan.


Por përveç llahtarisjes me djegësin e Tiranës, Veliaj di edhe llahtarisje të tjera për Ramën si 30% e tij në çdo kullë të Tiranës dhe tjetërsimin, vjedhjet me klientelën e tij të pronave dhe objekteve që shkojnë qindra miliona euro.


Prandaj si kurrë, kurrë ndonjëherë më parë në më pak se 1 orë Edi Rama i përgjigjet me përgjërim dhe përulësi dhe vetëposhtërim absolut, me çarçaf të bardhë dhe me kapitullim total sulmit të koduar të Erion Veliajt duke deklaruar se jo vetëm ishte dakord me çdo fjalë, por dhe me çdo presje të Erionit. Çfarë do të thotë në kod se do lëpish edhe presjet e mia.


Shpejtësia e rrufeshme e përgjigjes së Edi Ramës ndaj Erion Veliajt dëshmon se ishte Veliaj ai që në mënyrë ultimative i kishte diktuar Ramës afatin kohor të përgjigjes publike jashtë të cilit Rama nuk do mund të përgjigjej më.


Por po kaq poshtërues dhe i pamëshirë ishte teksti që lexoi Edi Rama në të cilin ai peng i bashkëvjedhjeve të mëdha me Veliajn duhet të miratonte 100% dhe pa i hequr një presje sikur të ishin fjalë profeti, sulmin që i bëri Veliaj për arrestimin nga Rama të heronjve bashkëvjedhësve të Veliajt dhe t’i pranonte ata jo si mëkatarë që kanë ngrënë fiq pas shpinës së Lali Vjedhësit, por si heronj edhe të tij dhe t’i egzoneronte pa shkuar në Gjykatë nga çdo keqbërje dhe përgjegjësi.
Me këtë zhvillim dramatik që sot Shqipëria de facto ka një kryeministër të ri, vjedhësin 100% të fondeve publike, Erion Veliajn.





Lajmet e fundit nga