web counter
LEXO PA REKLAMA!

SHKARKO APP

App Store
Google Play

E fundit!

x

“Nano nuk e mbante fjalën”/ Ish-ministri: Rama ka ndryshuar lojën politike, Berisha me kujtesë fenomenale

17 Tetor 2025, 16:19, Politikë CNA

“Nano nuk e mbante fjalën”/ Ish-ministri: Rama ka ndryshuar

Ish-ministri, Lufter Xhuveli ndau sot disa kujtime dhe përshtypje për disa prej politikanëve të 30 viteve të fundit në Shqipëri.

Në një dalje televizive, Xhuveli e cilësoi ish-kryeministrin Fatos Nano një njeri erudit dhe poliglot, por që nuk e mbante fjalën.

Për kryeministrin Edi Rama, Xhuveli tha se është një ndryshues i lojës politike dhe ironizues.

Ndërsa për kryedemokratin Sali Berisha, ish-ministri i Mjedisit u shpreh se është një njeri tradicional dhe me kujtesë fenomenale.

“Fatos Nano është erudit, poliglot, njeh mirë ekonominë, pëlqente muzikën, por deri këtu. Nuk qeveriste mirë. Nuk e mbante fjalën. Kishte një fodullëk të jashtëzakonshëm, një kryelartësi që unë nuk e duroja dot, se unë isha kryelartë për vete, donte ta shtrinte edhe tek unë.

U arrit një ngjarje groteske, e kam përshkruar në libër, ka qenë qeveria ‘Nano 4’ 2003-2005, një ditë kur Fatosi kishte menduar se arriti kush e di sa lartë, pasi kishte thënë se mbrapa më vjen historia, na vjen drejtori i kabinetit, Emin Barçi, Fatosi vinte 20 minuta me vonesë, unë shkoja në 10 pa 2 minuta dhe prisnim aty… Na thotë, zotërinj ministra, pas pak do të vijë kryeministri dhe kur të vijë ju duhet të ngriheni në këmbë.

Por kur vjen kryeministri, ministrast nuk ngrihen në këmbë. Dëgjojmë ne një sëkëllimë në korridor; po vjen kryeministri i Shqpiërisë, shkëlqësia e tij zoti Fatos Nano. Të kujton Kongresin Amerikan kur thotë po vjen Presidenti… Ata në krye, nga mesi e lart u ngritën si ushtarë të bindur, ne të tjerët si me përtesë, Fatosi vinte drejt me kokën ulur, linte çantën mbi tavolinë dhe pastaj kthehej nga ne. Herën e dytë e njëjta skemë, të parët u ngritën si me përtesë, ne gjysmë dhe ata nga fundi vetëm lëvizën pak.

Edi Ramën nuk mund ta vlerësoj sepse nuk kam patur rast ta njoh. Për së largu nuk e marr përsipër. Është atraktiv, është i zgjuar, tërheqës, e kam quajtur aty një “ndryshues të lojës politike”, është ironizues, e kam quajtur aty. Por nuk kam punuar me të.

Nga e djathta? Kam punuar me Sali Berishën. Njeri i ditur, i lexuar, ka një kujtesë fenomenale, të jashtëzakonshme, është njeri tradicional që vlerëson familjen, jam ndjerë komod me të”,-tha Xhuveli./CNA





Lajmet e fundit nga