web counter
LEXO PA REKLAMA!

SHKARKO APP

App Store
Google Play

Meta nis "luftën" me Veliajn/ "Kullat e Tiranës, lavatriçe e pastrimit të parave të pista"

13 Dhjetor 2022, 13:28, Politikë CNA
Meta nis "luftën" me Veliajn/ "Kullat e Tiranës,
Erion Veliaj, Ilir Meta

Kreu i Partisë së Lirisë, Ilir Meta, është shprehur se duhen marrë masa të menjëhershme që Shqipëria të dalë nga lista gri e pastrimit të parave. 

Në një konferencë për mediat ai shprehet se kullat në Tiranë janë shndërruar në një lavatriçe të pastrimit të parave të pista.

"Si asnjëherë tjetër, raporti i fundit i Fondit Monetar për Shqipërinë (FMN), i ka kushtuar vëmendje të lartë edhe ndërtimit dhe tregut të pasurive të paluajtshme, duke paralajmëruar rreziqet që mund të ketë një kthesë në rënie në ecurinë e çmimeve dhe implikimet për sektorin financiar e bankar.
Mbështes plotësisht shqetësimin e FMN mbi rëndësinë e rritjes së vigjilencës ndaj stabilitetit financiar të politikëbërësve, duke pasur parasysh rritjen e shpejtë të kredisë dhe të aktiviteteve të pasurive të paluajtshme.
Mbështesim plotësisht rekomandimin e FMN për adresimin e mangësive të rëndësishme të të dhënave për pasuritë e paluajtshme dhe ndërtimet, si dhe për nevojën e garantimit të një mbikëqyrjeje të zgjeruar të ndikimit të këtij sektori në stabilitetin financiar.
Është e domosdoshme ndërmarja e masave të menjëhershme drastike për të dalë nga lista gri e pastrimit të parave, ku Shqipëria është futur nga FATF (mekanizimi i Komisionit Europian për parandalimin e pastrimit të parave), veçanërisht në kushtet kur kullat në Tiranë, sikundër është bërë publike edhe nga denoncimet e mediave ndërkombëtare, janë kthyer në lavatriçen e pastrimit të parave të pista."- tha Meta./CNA.al





Lajmet e fundit nga