web counter
LEXO PA REKLAMA!

SHKARKO APP

App Store
Google Play

Meta në mbrojtje të Belerit: Çështja, tregues flagrant i kapjes mafioze të shtetit nga Rama

5 Mars 2024, 14:29, Politikë CNA
Meta në mbrojtje të Belerit: Çështja, tregues flagrant i
Ilir Meta

Kryetari i Partisë së Lirisë, Ilir Meta, deklaroi në një konferencë për mediat se dosja "Beleri" është tregues flagrant i kapjes së shtetit në mënyrë mafioze, dhe përdorimit kriminal të shtetit nga kryeministri e qeveria.

“Bllokimi i betimit të tij është tërësisht antikushtetues. Asgjë nuk e pengon dhe nuk e ka penguar Fredi Belerin si kryetar, edhe pse në kushtet e një rrëmbimi mafioz nga policia e Edi Ramës”, u shpreh Meta. 

Ndër të tjera ai theksoi se nuk është çështja Beleri që po bllokon integrimin evropian të Shqipërisë, por mbahet peng në mënyrë të qëllimshme nga kjo mazhorancë e ky kryeministër. 

Trupi gjykues i GJKKO-së është tërhequr për të marrë vendimin në lidhje me gjykimin e kreut të Bashkisë së Himarës, Fredi Beleri. 

Beleri akuzohet për blerje votash në zgjedhjet e 14 majit të 2023-shit.

Për Belerin, Prokuroria e Posaçme ka kërkuar dënimin me 2 vite e 6 muaj burg. Ndërsa për të pandehurin tjetër, Fredi Kokaveshi, bashkëpunëtor i Belerit, SPAK ka kërkuar dy vite burgim, të cilat i janë konvertuar në 4 vite shërbim prove.

Kjo masë lehtësuese për Kokaveshin u dha pasi ai ka probleme shëndetësore, si dhe fëmija i tij i mitur ka probleme shëndetësore./CNA





Lajmet e fundit nga