web counter
LEXO PA REKLAMA!

SHKARKO APP

App Store
Google Play

Ndryshime në ligjin për Policinë e Shtetit/ Balla: Kod të ri etike dhe meritokraci

5 Mars 2024, 10:22, Politikë CNA
Ndryshime në ligjin për Policinë e Shtetit/ Balla: Kod të ri
Taulant Balla

Ministri i Brendshëm, Taulant Balla, ka deklaruar se do të ndryshojë ligji për Policinë e Shtetit. Gjatë një deklarate për mediat ai tha se drafti për pak kohë do të jetë në konsultim publik. 

Ministri sqaroi se do ketë një Kod të Ri etike për punonjësit e Policisë së Shtetit dhe se ligji i ri do t'i japë rëndësi meritokracisë. 

"Do ndryshojmë ligjin për Policinë e Shtetit, drafti për pak kohë në konsultim publik. Ligji i ri për Policinë e Shtetit do garantojë meritokracinë. Do ketë një Kod të Ri etike për punonjësit e Policisë së Shtetit. Ligji i ri i Policisë së Shtetit duhet t’i japë rëndësi meritokracisë. Duhet t'i garantojmë që çdo punonjësi të ndershëm të Policisë së Shtetit të bëjë karrierë. Ka pasur një bllokim të karrierës në Policinë e Shtetit. Pas një pune intensive të përditshme do të kemi shumë shpejt një draft që do të bëhet publik, ku edhe ju dhe opinioni publik do të njoftoheni. Ligji i ri i Policisë së Shtetit u është referuar eksperiencave më të mira ta shndërrojmë Policinë e Shtetit si institucionin më të besuar në vend. Është një ligj goxha i madh dhe në këtë aspekt puna përfundimtare është po aq e rëndësishme për ta bërë gati për t’iu nënshtruar konsultimeve publike", tha Balla./CNA 

 





Lajmet e fundit nga