LEXO PA REKLAMA!

SHKARKO APP

Meta, i shqetësuar për daljen e sekreteve/ Pata marrë garanci për mbrojtje

19 Shtator 2022, 20:48, Politikë CNA
Meta, i shqetësuar për daljen e sekreteve/ Pata marrë garanci
Ilir Meta në një mbledhje të Këshillit të Sigurisë Kombëtare

Kryetari i Partisë së Lirisë, Ilir Meta, ka reaguar me shqetësim për daljen e sekreteve, pas publikimit nga grupi i hakerave të e-maileve të ish-drejtorit të policisë së shtetit, Gledis Nano.

Meta kujton një mbledhje të Këshillit të Sigurisë Kombëtare, ku kanë diskutuar për sulmet kibernetike dhe thotë se ka marrë garanci për mbrojtje.

Ai i kërkon llogari Qeverisë për sekretet e shtetit dhe të qytetarëve që po dalin në dritë.

“Në mbledhjen e Këshillit të Sigurisë Kombëtare të zhvilluar para agresionit të Rusisë kundër Ukrainës kam kërkuar të merren masa të forta për mbrojtjen nga sulmet kibernetike dhe kam marrë garanci të plota se nuk do të kishte asnjë problem.

Po kështu edhe në mbledhjen e Këshillit të Sigurisë Kombëtare të mbledhur menjëherë pas agresionit kundër Ukrainës. A mban njeri përgjegjësi në këtë Qeveri që sekretet e shtetit dhe të qytetarëve kanë dalë “lakuriq”?”, shkruan kreu i PL-së./ B.A. – CNA.al

Lajmet e fundit nga