web counter
LEXO PA REKLAMA!

SHKARKO APP

App Store
Google Play

E fundit!

x

Thirrja e Manjës: Presim nga drejtësia të bëjë punën e munguar prej kohësh!

10 Maj 2024, 11:03, Politikë CNA
Thirrja e Manjës: Presim nga drejtësia të bëjë
Ulsi Manja

Në Ditën e Drejtësisë, ministri i Drejtësisë, Ulsi Manja, tregoi mbështetjen e tij për institucionet e drejtësisë.

Ai u shpreh para magjistratëve se pret drejtësinë e munguar prej kohësh. 

Sa u përket vakancave për shkak të Vetting-ut, ai tha se magjistratët duhet të punojnë përtej kapaciteteve deri në plotësimin e tyre.

Sipas tij duhet t'i jepet fund stokut të dosjeve. 

“Ma bëni hallall se gjyqtarët nuk i kanë qejf fjalimet e gjata, por do bëjmë si do bëjmë.  Pa një drejtësi që mbron të drejtat dhe liritë e qytetarit nuk do kemi kurrë demokraci dhe zhvillim ekonomik. Nuk mund të lë pa përmendur Reformën në Drejtësi që dita-ditës po konsolidon veten dhe po kthen besimin te qytetarët. Sa na takon si qeveri dhe si shumicë parlamentare, do të mbështesim pa rezerva konsolidimin e një sistemi të qëndrueshëm dhe të një drejtësie të pavarur. Fakt që sot kemi një sistem drejtësie me një arkitekturë moderne. Kemi ende sfida me të cilat përballemi çdo ditë. Sistemi i drejtësisë të funksionojë si një i tërë, kur flitet për ecurinë e Reformës në Drejtësi perceptimi shkon te SPAK-u. Reforma në Drejtësi nuk është vetting dhe SPAK, por një ansambël i tërë organesh që kanë për mision kushtetues dhënien e drejtësisë. Në përfundim kam një falënderim dhe një ftesë. Falënderim për punën e mirë që kemi bërë deri tani me konsolidimin e drejtësisë së re. Ftesa e sinqertë është që të vijojmë punën e mirë që kemi bërë deri tani. Presim nga drejtësia të bëjë drejtësinë e munguar prej kohësh”, tha ai./CNA 





Lajmet e fundit nga