web counter
LEXO PA REKLAMA!

SHKARKO APP

App Store
Google Play

Debatet për Amnistinë Penale/ Bardhi publikon përgjigjen e SPAK: U liruan 4 qytetarë

9 Maj 2024, 20:41, Politikë CNA
Debatet për Amnistinë Penale/ Bardhi publikon përgjigjen e SPAK:
Kreu i grupit parlamentar të PD-së, Gazment Badhi

Kreu i grupit parlamentar të PD-së, Gazment Badhi i është drejtuar SPAK me kërkesë për informacion sa i takon të dënuarve nga GJKKO që mund të kenë përfituar nga amnistia penale.

Në përgjigje, SPAK ka bërë me dije se të liruar janë vetëm 4 qytetarë. Këtë përgjigje, Bardhi e publikoi në sallën e Parlamentit.

“SPAK ka detajuar, shpjeguar dhe sqaruar, historinë e rreme se nga amnistia u liruan nga burgu apo përfituan ulje të kohës së qëndrimit në burg “100 zyrtarë të korruptuar”, një e pavërtetë e madhe, që fryhet/sajohet nga ata që as nuk kuptojnë çfarë lexojnë dhe as nuk duan të kuptojnë, por kanë vendosur të qëndrojnë deri në fund tek politika e gënjeshtrës së ditës: “bëjmë sikur themi diçka të pavërtetë, pa thënë asgjë në interes të qytetarëve” që të bëhemi lajm i ditës. Kush nuk prodhon dot politikë, e ka të vetmen rrugë gënjshtrën për t’u bërë lajm. Kush nuk bën dot opozitë reale me qeverinë e Edi Ramës, e ka të vetmen rrugë sajimin e kauzave të rreme për t’u bërë lajm.

Nga sqarimi i SPAK rezulton e qartë se:

1. Asnjë subjekt i posaçëm i SPAK nuk ka përfituar nga Aministia.

2. Asnjë procedim penal nën hetim nga SPAK apo proces gjyqësor i pa përfunduar me vendim të formës së prerë nuk ka përfituar nga Aministia.

3. Asnjë gjyqtar apo prokuror nuk ka qenë në burg në kohën e hyrjes në fuqi të Amnistisë dhe për pasojë nuk kishte sesi të përfitonte lirimin nga burgu.

4. Nga 18 vepra penale që janë në kompetencë të SPAK (nenet 244, 244/a, 245, 245/1, 257, 258, 259, 259/a, 260, 312, 319, 319/a, 319/b, 319/c, 319/ç, 319/d, 319/dh dhe 319/e) vetëm 1 vepër penale, pra personat e dënuar për veprën penale të parashikuar në nenin 245/1 “Ushtrimi i ndikimit të paligjshëm ndaj personave që ushtrojnë funksione publik”, kanë përfituar nga amnistia.

5. Statistikat e dhënë nga SPAK i referohen këtyre subjekteve, pra qytetarë që kanë qenë të dënuar për ushtrim të ndikimit të paligjshëm.

6. Nga e gjitha shifra e referuar nga SPAK lirimin nga burgu kanë përfituar vetëm 4 qytetarë, ndërkohë që pjesa tjetër nuk kanë qenë në burg, sepse janë liruar nga vetë GJKKO”, tha Bardhi.

Më herët deputeti i PD-së së vulës, Enkelejd Alibeaj pretendoi se nga Amnistia Penale kanë përfituar 100 të dënuar nga GJKKO./ CNA

Debatet për Amnistinë Penale/ Bardhi publikon përgjigjen e SPAK:

Debatet për Amnistinë Penale/ Bardhi publikon përgjigjen e SPAK:





Lajmet e fundit nga