web counter
LEXO PA REKLAMA!

SHKARKO APP

App Store
Google Play

Kamikazi kundër SPAK-ut merr në mbrojtje Veliajn

9 Maj 2024, 13:15, Politikë CNA

Fatmir Xhafaj tregoi sot rolin si kamikaz kundër SPAK-ut dhe pa asnjë lloj turpi ai doli publikisht dhe mbrojti Erion Veliajn, kryehajdutin e Bashkisë së Tiranës.

Ai doli hapazi kundër hetimeve të SPAK-ut dhe tregoi se ka si synim kontrollin e kësaj strukture të posaçme, e cila deri më tani ka vënë në sitë jo pak zyrtarë të korruptuar. 

Vullnetari i Enverit, që CNA e ka denoncuar muaj më parë se do të vendoset në krye të komisionit anti-SPAK, nuk mori sot parasysh hetimet e prokurorëve për Veliajn që e akuzojnë për shpërdorim detyre dhe jo vetëm, por sot tentoi ta prezantonte si një person të ndershëm dhe që ka punuar për Tiranën. 

Pa asnjë pikë turpi, protestat para bashkisë nga qytetarët i quajti si një gjyq popullor. 

Ai doli sot në mbrojtje të kreut të një organizate kriminale që tenton t'i shpëtojë burgut. Veliaj është në grahmat e fundit të pushtetit të tij. 

Xhafaj e di se me propagandë komuniste mund të mashtrojë shqiptarët e vjedhur nga Veliaj dhe hajdutët e tij.

Si mund të mbrohet një zdroms, i cili ka vjedhur me të dyja duart? Si të mos pranohet që drejtorët e Bashkisë së Tiranës, që janë pas hekurave të quhen bashkëpunëtorë të Veliajt? 

Por kamikazi Xhafaj do të vazhdojë rolin e tij tashmë të përcaktuar, luftën kundër SPAK-ut. 

Por a do t'ia dalë këtë herë? E vështirë, Veliaj është i përfshirë kokë e këmbë në aferat korruptive. Jo që nuk i bën derman as Xhafaj, por askush./CNA 





Lajmet e fundit nga