"Çmendet" Veliaj/ Shan Berishën dhe kërcënon Ramën e SPAK-un

28 Dhjetor 2024, 14:59, Politikë CNA

"Çmendet" Veliaj/ Shan Berishën dhe kërcënon

Kryebashkiaku i Tiranës, Erion Veliaj

Kryebashkiaku i Tiranës, Erion Veliaj ka reaguar me gjuhë rrugaçërie ndaj lajmit të publikuar nga CNA dhe ndaj deklaratës së kreut të PD-së, Sali Berisha për largimin e tij nga Shqipëria.

I mbytur në mllef, Veliaj ka përdorur gjuhë të ulët ndaj ish-kryeministrit Berisha të cilën e ka quajtur fundërinë, kërmë, burrë legen e shumë fjalë të tjera siç i ka hije një njeriu si Erion Veliaj.

I rethuar tashmë nga të katërta anët, kryebashkiaku ja nxjerr inatin kreut të PD-së i cili nuk tha asgjë më shumë sesa një të vërtetë: Veliaj u largua nga Shqipëria!

Në mënyrë indiferente dhe kërcënuese, Veliaj tha se Prokurori të bëjë çfarë të dojë dhe pastaj do të vijë radha e tij për të thënë çfarë duhet.

"O Sali, o kërmë, që paske dhënë lajmin se jam arratisur nga Shqipëria, meqë ndonjë nga çimkat e tua më paska parë në avion. Po shkoj në Amerikë, për takime që i kam lënë prej kohësh, se jam kryetari i Bashkisë së Tiranës, dhe nuk jam Non Grata, o fundërrinë e historisë, që u bërë stërgjysh dhe sa më shumë zhubravitesh në atë surratin e lig, aq më shumë qelb Tiranën me gojën tënde.

Nuk iki unë nga Shqipëria, o kërmë, se kam ardhur nga Amerika kur isha 20 vjet më i ri, që të jepja një dorë për ta nxjerrë vendin tim nga llumi ku e zhyte ti me shokë! Dhe nuk më përkulin mua as letrat anonime, si në kohën e partisë, që të bëri ty persekutorin që je sot e gjithë ditën, as kushdo tjetër që shuan epshet e veta nëpër ekranet dhe rrugët e Tiranës, duke u marrë me familjen time, as fantazitë e sëmura të veshura me kostumet e karnavaleve të kësaj historisë sime në gjykatën e ekraneve dhe rrjeteve sociale.

Do të kthehem për dy ditë, dhe me durimin e paepur në pritje që të më vijë radha mua, se unë nuk jam burrë legen si ti, që kur SPAK-u merret me ty e me hajdutët e farës tënde është SKAPi i partisë, kurse kur merret me mua e me familjen time është SPAK-u i drejtësisë! Unë e di radhën e punëve dhe tani e ka radhën prokurori special të bëjë çfarë të dojë, pastaj vjen radha ime për të thënë çfarë duhet. Ashtu siç e di që unë nuk jam mbështetës i drejtësisë së re që nuk bëj komente rrugëve kur ajo merret me të tjerët dhe pastaj rrugaç si puna jote, që të marr rrugët me akuza e sharje kur merret me mua. Aty rri se edhe ti s’ke nga lëviz, se je pa pashaportë dhe nuk del dot nga Shqipëria, se do të të dal si lugat në shtëpi natën e Vitit të Ri, kur edhe Syri i djalit tënd do jetë te Sheshi Skënderbej, duke transmetuar fishekzjarret e 2025-ës, kur do hash shqelmin më të fortë nga shqiptarët, sa të vijë maji!"/CNA

Pis burrë!