web counter
LEXO PA REKLAMA!

SHKARKO APP

App Store
Google Play

E fundit!

x

Mediat që sulmuan SPAK-un/ Presioni i gazetarëve që marrin urdhra nga burgu

14 Prill 2025, 18:50, Aktualitet CNA


Mediat e pushtetit, ato të paguara nga krimi apo inceneratorët, të financuara nga kryebashkiaku në burg i Tiranës, Erion Veliaj kanë funksionuar si një grup i strukturuar kriminal, në sulmet ndaj SPAK. Shkrimet kundër Prokurorisë së Posaçme janë intesifikuar me prangosjen e kryebashkiakut Veliaj.

CNA e ka denoncuar edhe më herët presionin, që konfirmoi të hënën kreu i SPAK-ut, Altin Dumani.

Përgjimet në burgun e Durrësit që CNA solli për ditë me radhë treguan se si jepeshin urdhra nga qelia, që mediat të sulmonin prokurorë e gjyqtarë të çështjes Veliaj.

Mediat që financohen nga segmente të caktuara krijojnë intriga, të pavërteta apo gjysmë të vërteta, për të krijuar gënjeshtra, sulme që duken të mirorkestruara dhe të dirigjuara për qëllime të caktuara.

Mero Baze është një nga ushtarët e Veliajt në media, i cili përmes editorialeve të shumta në median e tij, sulmon SPAK-un. Po ashtu e akuzon se është në shërbim të Sali Berishës. Ne po ju sjellim disa foto të shkrimeve të Mero Bazes, i cili është pozicionuar në sulm ndaj SPAK me urdhra që dalin nga qelia e burgut të Durrësit.

Mediat që sulmuan SPAK-un/ Presioni i gazetarëve që marrin urdhra

Mediat që sulmuan SPAK-un/ Presioni i gazetarëve që marrin urdhra

 

Mediat që sulmuan SPAK-un/ Presioni i gazetarëve që marrin urdhra

Një tjetër shërbëtor i pushtetit është Carlo Bollino që përmes mediave të tij, Report Tv dhe Shqiptarja.com urdhërohej të angazhohej për të mbrojtur Veliajn dhe për të sulmuar SPAK.

Përgjimet tregonin se vëllai Arbër Veliaj i tregonte të vëllait në burg, që TOP- Report TV, e media të tjera po e mbulonin çështjen e tij në media. Këto janë rastet vetëm nga skandali i fundit që lidhet me Erion Veliajn. Këto tregojnë se si llumi i medias vendoset në shërbim të pushtetit, për interesat e korrupsionit të pushtetit, për interesat e korrupsionit të koncesioneve që i paguajnë, për interesat e kompanive që paguajnë reklama, të cilat përdoren më pas për politikë, shantazhe apo sulm në media, për interesa të caktuara, deri edhe kriminale.

Top Channel ka sulmuar prokurorët dhe SPAK në dhjetëra raste, CNA me dokumenta dhe fakte ekskluzive zbuloi dhe ortakëritë e këtij televizioni me Mirel Mërtirin dhe Kodian Zoton, njerzit e grupit të strukturuar kriminal të inceneratorit të Tiranës që nuk ekziston.

Këto tre media janë kryesoret në sulm ndaj SPAK dhe prokurorëve pas politikanëve si Sali Berisha, Edi Rama, Ilir Meta, Erion Veliaj etj.

Këto media kanë edhe një të përbashkët të madhe, shpesh bërtasin “Rroftë SPAK-u” dhe pastaj “Poshtë SPAK-u”. Përgjimet e Erion Veliajt e treguan qartë që urdhrat nga burgu dhe pagesat nga vëllai i tij për vite më radhë krijojnë regjinë “rroftë poshtë” në këto media që sot u denoncuan publikisht, edhe pse pa emër, nga kreu i SPAK Altin Dumani./ CNA





Lajmet e fundit nga