web counter
LEXO PA REKLAMA!

SHKARKO APP

App Store
Google Play

“Me Berishën kryeministër, Shqipëria bëhet superfuqi e Rajonit”/ Teliti: Kthejmë Diasporën!

3 Mars 2025, 18:04, Politikë CNA

“Me Berishën kryeministër, Shqipëria bëhet superfuqi e

Koordinatori për programin ekonomik në PD Dorjan Teliti, nëpërmjet një statusi në rrjetet sociale theksoi se me Sali Berishën, Shqipëria do të shndërrohet në një superfuqi të Rajonit. Ndër të tjera, Teliti theksoi edhe njëherë lehtësinë fiskale për pesë vite për çdo emigrant që do të zgjedhë të rikthehet në ardhe.

Më poshtë status i plotë i Telitit:

“Me Sali Berishën kryeministër, Shqipëria do të shndërrohet në qendrën Ekonomike të Ballkanit Perëndimor. Mjaft më me varfëri, papunësi dhe largim masiv të shqiptarëve! Ndërkohë që vendet e rajonit rriten ekonomikisht dhe tërheqin miliarda investime, Shqipëria mbetet vendnumëro, për shkak të një qeverie të korruptuar, që i ka shpallur luftë biznesit dhe qytetarëve të saj!

Ky model do të shembet! Nën qeverisjen e Partisë Demokratike dhe me Sali Berishën Kryeministër, Shqipëria do të marrë në dorë fatin e saj dhe do të shndërrohet brenda pak viteve në një superfuqi ekonomike në rajon!

Ulje të menjëhershme të taksave – Shqipëria do të ketë barrën fiskale më të ulët në Ballkan! Paratë do të mbeten në xhepat e shqiptarëve dhe bizneseve, jo në duart e qeveritarëve dhe të oligarkëve!
Asgjesim të burokracisë shtetërore – Biznesi nuk do të mbahet më peng nga bandat e zyrtarëve të korruptuar që kërkojnë ryshfet për çdo leje, licencë dhe dokument zyrtar!

Krijimi i 4 Zonave të Lira Ekonomike – Investitorët do të kenë përjashtime fiskale dhe mbështetje të plotë për të ngritur industri dhe fabrika që krijojnë mijëra vende pune për shqiptarët!
Shqipëria do të bëhet qendra teknologjike e rajonit! Bizneset që punësojnë mbi 20 specialistë në këtë sektor do të kenë 3-5 vite pa taksa!

Fushatë kombëtare për kthimin e diasporës – Mjaft më me shqiptarët që ikin si azilantë! Do t’u japim mundësinë të kthehen dhe të hapin biznese, me përjashtime fiskale deri në 5 vite!

Shqipëria nuk do të jetë më vendi që përzë investitorët dhe talentet e saj! Me Sali Berishën Kryeministër dhe Partinë Demokratike në pushtet, Shqipëria do të bëhet fuqia ekonomike e Ballkanit Perëndimor brenda 4 viteve të para të qeverisjes!

Ndaj boll më me varfëri! Boll më me mashtrime! Shqipëria ka një zgjidhje duke votuar në 11maj ndryshimin e shumëpritur". /CNA





Lajmet e fundit nga