web counter
LEXO PA REKLAMA!

SHKARKO APP

App Store
Google Play

E fundit!

x

“Zgjedhjet krijojnë pakënaqësi”/ Kikia komenton Primaret: Humbësit të punojnë me fituesit

3 Mars 2025, 17:48, Politikë CNA

“Zgjedhjet krijojnë pakënaqësi”/ Kikia komenton

Analisti Mentor Kikia komentoi në lidhje me procesin e Primareve të zhvilluar nga Partia Demokratike. Kikia, theksoi se zgjedhjet krijojnë gjithnjë pakënaqësi në radhët e humbësve, megjithatë shtoi se ata duhet të bashkëpunojnë tashmë me fituesit për të mirën dhe vazhdimësinë e partisë, sidomos para zgjedhjeve të datës 11 maj.

“Zgjedhjet brenda një partie politike janë një gjë e mirë. E shikoj si proces pozitiv. PD është në krizë, pasi është në opozitë dhe askush nuk do që të bashkohet me një parti opozitare. Parë në këtë prizëm, Berisha nuk do të donte që të kishte një listë me 1000 njerëz dhe të zgjidhte 200 persona si kandidatë.

Do ishte zgjedhje e vështirë, sepse çdokush do të kishte pretendime. Zgjedhjet brenda partisë do të krijojnë pakënaqësi, sepse ne nuk kemi përvojë të mirë me zgjedhjet. Kush humbet zgjedhjet brenda partisë, duhet të pranojë rezultatin dhe duhet të bashkëpunojë me fituesin.

Por, besoj se ka një ngërç, pasi nuk mund të eliminohen qejf-mbetjet ballkanike. Në parti të tjera zgjedhje të brendshme nuk janë bërë. U zgjodh modeli me lista gjysmë të hapura, ku kryetari vendos në listë të sigurt atë që dëshiron”, tha Kikia. /CNA

 





Lajmet e fundit nga