web counter
LEXO PA REKLAMA!

SHKARKO APP

App Store
Google Play

E fundit!

x

“Mbyllet” USAID/ Musk: Organizatë kriminale

3 Shkurt 2025, 15:16, Politikë CNA

“Mbyllet” USAID/ Musk: Organizatë kriminale

USAID është drejt mbylljes.

Elon Musk tha sot se Presidenti Donald Trump ra dakord që Agjencia Amerikane për Zhvillim Ndërkombëtar (USAID) duhet të "mbyllet", pas disa ditësh spekulime mbi të ardhmen e agjencisë.  

“Për sa u përket çështjeve të USAID-it, unë e diskutova atë me (presidentin) në detaje dhe ai ra dakord që ne duhet ta mbyllim atë”, tha Musk në një bisedë në "X Spaces" të hënën.

Musk tha se ai kontaktoi me Trump disa herë dhe Trump konfirmoi se dëshiron të mbyllë agjencinë, e cila shpërndan miliarda ndihma humanitare dhe fonde zhvillimi çdo vit.

Të dielën në mbrëmje, përpara bisedës "X Spaces", kur iu kërkua koment për USAID-in, Trump u tha gazetarëve: “Është drejtuar nga një grup i çmendurish radikalë dhe ne po i nxjerrim ata jashtë dhe më pas do të marrim një vendim” për të.

Musk tha se USAID është "përtej riparimit", ndër sulmet e tjera që ai bëri kundër agjencisë së krijuar nga Kongresi si një organ i pavarur.

“Ne nuk kemi 'një mollë me një krimb në të'", tha ai. "USAID është një top krimbash. Dhe kur nuk ka asgjë për të kafshuar atëherë duhet hequr qafe e gjitha. USAID është një organizatë kriminale”, tha Elon Musk, Drejtues i Departamentit për Eficiencë Qeveritare, shkruan "A2 CNN".

Në bisedën e "X Spaces" të hënën, të cilën ai e drejtoi me senatin republikan Joni Ernst nga Iowa dhe Vivek Ramaswamy, pronari i "X" e quajti USAID-in “tepër partizane politikisht" dhe tha se ka mbështetur "kauza të majta radikale në të gjithë botën, duke përfshirë gjëra që janë antiamerikane"./ CNA 





Lajmet e fundit nga