web counter
LEXO PA REKLAMA!

SHKARKO APP

App Store
Google Play

E fundit!

x

Komentuesja, kritika për gjuhën ndaj opozitës/ Rama: 3 vakte në ditë merren me librin e shtëpisë sime

3 Shkurt 2025, 10:10, Politikë CNA

Komentuesja, kritika për gjuhën ndaj opozitës/ Rama: 3 vakte

Kryeministri Edi Rama u është përgjigjur komentuesve në rrjetet sociale përmes rubrikës “Sy më sy”. Një prej komentuesve e ka kritikuar për gjuhën e përdorur ndaj opozitës, të cilën Rama e quan kënetë me bretkosa.

“Më vjen keq! Por vetën për faktin se si shpreheni për opozitën në fjalimet tuaja nuk meritoni ta udhëhiqni atë vend e atë popull”.

Këtij komenti Rama i është përgjigjur duke thënë se ai flet 1 herë në tre muaj për opozitën, ndërsa kjo e fundit në 3 vaktet merret me Kryeministrin dhe të gjithë familjen e tij.

“E bukur kjo, unë flas një herë në 3 muaj një fjalë për opozitën dhe bëka kaq shumë përshtypje se nuk meritokam më ta udhëheq atë popull siç shkruani ju nga jashtë. Por çfarë meriton atëherë opozita e dashur Flora, ma thoni dot. 3 vakte në ditë merret me gjithë librin e shtëpisë sime, me këdo që i del përpara, me mua po e po. Nuk besoj se është opozitë që ju përfaqëson ju dhe familjen tuaj, se nuk besoj se keni ndonjë problem me familjen time dhe nuk ma ha mendja që libri i shtëpisë sime ju duket ndonjë program i mirë për ekonominë, punësimin, bujqësinë, arsimin, për shëndetësinë e me radhë për Shqipërinë.

Pastaj ju Flora jeni jashtë dhe kjo kënetë në sytë e të huajve është një turp dhe kurrsesi nderi i Shqipërisë, që sot çmohet dhe respektohet si kurrë më parë. Unë s’jam fare me opozitën dhe në parlament i kam lënë të merren me librin e shtëpisë sime, e të ulin dhe të ngrenë kriminelë e hajdutë e të m’i hedhin mua të gjitha të zezat që i kanë bërë vetë. Pasi kanë hedhur vetëm baltë brenda dhe jashtë për Shqipërinë nga kënetat e tyre dhe kanë bërë çmos ta pengojnë këtë vend, tani duan votën. Prandaj do merrem pak edhe me ta apo jo, por ama me shqipen e mësuesve të mi, të Nolit, të Fishtës, Konicës e asnjëherë kurrë me baltën e shpifje me librin e shtëpisë me familjen. Asnjëherë në nivelin e asaj kënete.

Më vjen keq Flora. Një buf stërplak e ka kthyer opozitën në një kor zhabash e bretkosash, kuak-kuak-kuak ditë e natë. E rrokanisën shqiptarët kuak-kuak-kuak. Për dreq ajo kënetë ka krijuar edhe ca copëza opozitëzash të reja që nuk kanë asgjë të re përveç moshës së pronarëve të tyre. Të gjithë imitojnë bufin stërplak. Kush do të votojë verbërisht kuak-kuak-kuak, le t’i votojë. Por dy gjëra nuk i ndryshon dot, që vota e çuar për ta, është votë e çuar krejtësisht dëm. Ata aty ku janë do jenë prapë. Vota për ta nuk sjell asnjë ndryshim, sepse sa të jetë ajo kënetë, në mes të mexhelisit tonë nuk ka dot Shqipëria opozitë reale, europiane, sfiduese dhe fituese”, është përgjigjur Rama.





Lajmet e fundit nga