web counter
LEXO PA REKLAMA!

SHKARKO APP

App Store
Google Play

E fundit!

x

Nuk u lejua diskutimi për shkarkimin e Veliajt/ Alimehmeti: Do ngremë padi për shpërdorim detyre për Julian Hodajn

26 Shkurt 2025, 17:21, Politikë CNA

Nuk u lejua diskutimi për shkarkimin e Veliajt/ Alimehmeti: Do ngremë

Këshilltarët bashkiakë të opozitës kanë folur pas mbledhjes që u bë në Bashkinë e Tiranës.

Kryetari i këshilltarëve të Partisë Demokratike, Ilir Alimehmeti tha se opozita kishte kërkuar të futej në rend dite debati për shkarkimin e Veliajt, por nuk u miratua. Alimehmeti tha se këshilltarëve të opozitës nuk u është dhënë fjala as për procedurë.

 

“Bashkia Tiranë po vuan krizën e thellë të abuzimit të fondeve. Këshilli bashkiak duhet të kishte reaguar pas arrestimit të Veliajt, të kishte thirrur mbledhje emergjente. Nuk e bëri. Opozita kërkoi që në rend dite të futej debati për shkarkimin e Veliajt. Na u mohua, s’na u dha fjala as për procedurë. Kryesia e Këshilllit Bashkiak nuk bën detyrën e vet.

Julian Hodaj në një mënyrë arroganter dhe abuzuese mohoi fjalën e lirë, sepse kishte frikë nga ato që do të dëgjonte. Hodaj mori përsipër barrën e rëndë të krimeve që kanë kryer ata që e drejtojnë. Do ngremë padi për shpërdorim detyre”, tha Alimehmeti.

 

Anëtarja e PD në Këshillin Bashkiak, Ilda Zhulali në fjalën e saj pas mbledhjes në Bashkinë e Tiranës tha se ishte e pamundur të diskutoje për arrestimin e Veliajt. Zhulali tha se socialistët në bashki përfaqësojnë intereasat e krimit.

 

“Sot ishte një ditë e turpshme. Kur arrestimi i Velaijt diskutohet në çdo ttyezë ishte e pamundur të diskutohej në Bashkinë tiranë. Ylli i tyre i korrupsionit mungonte nga vëmendja e këshillit bashkiak të Tiranës. Këshilli socialist bëri zgjedhjen e tyre, mbrojtja e organizatës së korrupsionit. I gjithë ekipi drejtues i Bashkisë Tiranë pjesëmarrës në një skemë korrupsioni. Kërkuam që të dikutonim shkarkimin e Veliajt. Një shkarkim i vonuar, por i domosdoshëm. Socialistët përfaqësojnë interesat e krimit dhe të korrupsionit”, tha Zhulali/ CNA





Lajmet e fundit nga