web counter
LEXO PA REKLAMA!

SHKARKO APP

App Store
Google Play

Luli, letër Babagjyshit të Vitit të Ri!

12 Dhjetor 2024, 22:54, Politikë CNA
Luli, letër Babagjyshit të Vitit të Ri!
Lulzim Basha

Kryetari pa parti, Lulzim Basha me idetë e tij gjeniale thotë se do të marrë pjesë në zgjedhjet e 11 majit. I përjashtuar nga jeta politike për shkak të paaftësisë së tij, Luli dëshiron të përjetojë edhe njëherë dështimin që pësoi para shumë vitesh, sepse “liderllëku” nuk i ka hije një dështaku.

I ftuar në një studio televizive, Luli thotë se “kam një axhendë të ngjeshur nga mëngjesi deri në darkë, në takime në Tiranë dhe jashtë Tirane, që para shqiptarëve të dalim me një alternativë”, por mbase këto takimet e shpeshta i ka në letrën e dëshirave që i ka shkruajtur Babagjyshit në këtë prag festash e pret dëshpërimisht që të dalë nga skutat e e errëta të harresës.

Më një vetëbesim prej budallai, Basha tha se ka në dorë t’i ofrojë shqiptarëve një rrugë tjetër, por rruga e Lulit ashtu siç kemi parë në këto vite nuk është e mirëllogaritur. Rruga e Lulit vocërrak është një rrugë pa krye.

Aq shumë e dëshiron të jetë edhe një herë aty ku Berisha e vuri dhe ai s’bëri gjë tjetër veçse qëndroi si një kukull, saqë nuk është habi që ëndërron si Don Kishoti për të qenë i njohur e për tu lëvduar për arritjet e tij.

Luli harron që të gjithë “ja bëjnë me gisht” se ka të shkruar në ballë titullin “dështak” dhe ishte një zhgënjim për politikën shqiptare dhe një zhgënjim për të gjithë ata që besuan tek ai./CNA





Lajmet e fundit nga