Noka: Çështja Xhaçka, varri që Rama i ka hapur drejtësisë në këtë vend

12 Dhjetor 2024, 17:01, Politikë CNA

Noka: Çështja Xhaçka, varri që Rama i ka hapur

Sekretari i Përgjithshëm i PD-së, Flamur Noka

Sekretari i Përgjithshëm i PD-së, Flamur Noka, hodhi akuza ndaj qeverisë në lidhje mandatin e deputetes Olta Xhaçka.

Noka tha në Parlament se socialistët po mbrojnë një një vjedhje, si dhe një shkelje ligjore dhe Kushtetuese.

Ai ngriti akuzat se pas Olta Xhaçkës qëndron vetë kryeministri Edi Rama, i cili sipas tij, i ka hapur drejtësisë në këtë vend.

Pjesë nga fjalimi:

Në fakt, çështja e investitores strategjike Olta Xhaçka është një çështje që bën me turp çdo njeri që ligjit i thotë ligj dhe Kushtetutës, Kushtetutë.

Po ju as skuqeni, as zverdheni, as ua ndjen sepse po mbroni një vjedhje, po mbroni një shkelje ligjore dhe Kushtetuese, sepse jeni të gjithë të zhytur në skandale të ngjashme.

Nuk është vetëm Rama, por kryesisht te çështja Xhaçka ju keni urdhër të shndërroheni në kartona dhe jo në njerëz të lirë, sepse pas Oltës është vetë Sulltan Surreli që ka hartuar dhe firmosur vendimin.

Në të gjithë botën e qytetëruar, termi investitor strategjik përdoret për biznesmenë të mëdhenj që kanë nevojë për lehtësira fiskale dhe mbrojtje, por sulltani juaj me gjithë këtë eunukërinë që e shoqëron këto, e ka shndërruar termin e investitorit strategjik me rrëmbim parash, pronash, tokash publike dhe private për t’ua dhënë ministrave dhe grave e burrave të tyre.

Ky është një tmerr i madh. Kjo nuk është hajdutëri, kjo është një grabitje me dhunë. Këta këtu nuk janë thjesht hajdutë, këta janë grabitqarë të dhunshëm. Meqë ra fjala, zonja kryetare, ku e ke bandën e hajdutëve këtu që nuk janë?

Tani, ku është çështja?

Unë e kuptoj që ato që themi ne, vrasin, dhe juve u kanë tërhequr vëmendjen se po lejoni opozitën që të thotë të vërtetat.

Kjo nuk do të thotë që ti duhet të tjetërsohesh sot dhe të marrësh rol tjetër.

Ju i keni betejat me burg, kush i del kundër sulltanit, përfundon në burg. Ky është ndryshimi i madh mes jush dhe nesh.

Kjo ka të bëjë me aspektin moral dhe politik. Me aspektin kushtetues dhe ligjor, çështja Xhaçka është varri që sulltani juaj i ka hapur drejtësisë në këtë vend.

Çfarë thoni ju kur një plangprishës i sulltanit del dhe flet kundër sulltanit, drejtësia të flasë thoni dhe arrestohet dhe burgoset. Rasti i Ben Ahmetajt.

Kur një sejmen i sulltanit vjedh dhe zhytet në batak me sulltanin, ju thoni ju, këtu drejtësia nuk ka të drejtë. Kjo është si të thuash, topi është i imi, penalltinë e gjuaj kur të dua unë./ CNA