E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

"Listat e Ramës favorizojnë ministrat”/ Meta: Fitojmë 20 mandate në Tiranë

17 Mars 2025, 17:33, Politikë CNA

"Listat e Ramës favorizojnë ministrat”/ Meta: Fitojmë

Kreu i Partisë së Lirisë, Ilir Meta ka deklaruar se ka bindjen se në koalicionin me opozitën do të fitohen 20 mandate.

Në një intervistë të dhënë për ‘Syri Tv’, Meta u shpreh me bindje se opozita do të arrijë një fitore të thellë në zgjedhjet e 11 majit.

Sa i përket kandidimit të tij në listën në Qarkun e Tiranës, Meta tha se kjo vjen për arsye parimore, por edhe pragmatike.

“Janë disa arsye parimore por edhe pragmatike. Parimore sepse unë dhe LSI kemi qenë të parët kundër listave të mbyllura që u miratuan me ndryshimet Kushtetuese të vitit 2008 dhe për këtë bëmë edhe grevë urie duke paralajmëruar dobësimin e parlamentarizmit dhe vetë llogaridhënies në interes të forcimit të autokracisë, siç e provoi koha.
Së dyti, unë besoj se jo vetëm duhet t’u qëndroj besnik bindjeve të mia, por edhe kam besim se me këtë mënyrë jap shembullin më të mirë për të gjithë, se duhen edhe sakrifica ekstreme për Fitoren kundër mafias në pushtet.
Ndërkohë jam besimplotë se koalicioni ynë i ka të gjitha potencialet për të fituar 20 mandate në qarkun e Tiranës dhe në këtë mënyrë për të futur nga listat e hapura 8 deputetë.
Emrat dhe personalitetet e opozitës në listat e hapura janë tepër superiorë dhe mobilizues dhe përfaqësojnë një spektër të gjerë dhe domethënës”,-tha Meta.

I pyetur se si iu duk lista zgjedhore e Partisë Socialiste, Meta tha se ajo është lista ku Rama po favorizon ministrat.

“Lista e “Rilindjes” në Tiranë i jep lamtumirën e fundit edhe atyre pak emrave socialistë që Rama i kishte ruajtur deri tani sa për “shenjë”.
Në ato pak mandate që Rama mund të marri do favorizojë ministrat që ka në lista të hapura duke u thënë kandidatëve socialistë që nuk ju votuan njerëzit.
Aty nesër në opozitë, i duhen njerëz që t’i jenë vetëm atij borxhli pse do jenë deputetë dhe të mos i dali partia nga kontrolli”,-tha Meta./CNA