web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi nuk njeh vendimin e Bashës për kreun e grupit parlamentar

5 Tetor 2023, 22:36, Politikë CNA

Kuvendi nuk njeh vendimin e Bashës për kreun e grupit parlamentar

Kuvendi nuk e njeh vendimin e Lulzim Bashës për shkarkimin e Gazment Bardhit si kryetar të grupit parlamentar të PD-së dhe zëvendësimin e tij me Flutura Açkën.

Këtë gjë e ka bërë të ditur mbrëmjen e sotme vetë Bardhi gjatë një interviste me Marsela Karapançon.

Ai tha se kryetarja e Kuvendit, Lindita Nikolla i është drejtuar me një letër për këtë çështje drejtorisë juridike të Kuvendit dhe ata i janë përgjigjur se kryetar i grupit të PD-së është personi i zgjedhur nga vetë grupi dhe jo nga organet e partisë, që në këtë rast rezulton Gazment Bardhi.

“Ne nuk presim ta thotë zonja Nikolla. Interesi i saj është ta mbajë këtë çështje sikur ka ndonjë pikëpyetje. Qëndrimi i Nikollës ka qenë i ngjashëm edhe në raste të tjera. Edhe sot ia kam thënë që mos e vazhdo më teatrin që s’e kam opinionin e juristëve të Kuvendit. E para sepse i fyen juristët, ata janë shumë të zotë. Sepse s’duan tre muaj për një opinion. Opinionin e drejtorisë juridike e ka mbi tryezë, i intereson të bëjë sikur e ka.

Drejtoria juridik ka thënë: Kjo pikë saktëson mënyrën e zgjedhjes së kryesisë së grupit parlamentar. Në Kuvend duhet të drejtohet vendimi i grupit parlamentar për zgjedhjen e kryetarin. Ne në rregullore e kemi kryetari i grupit zgjidhjet nga mbledhja e të gjithë grupit. Rregullorja në Kuvend duhet të jetë e miratuar nga grupi parlamentar dhe jo nga organet e partisë. Nga 35 deputetë të grupit parlamentar, 28 më kanë zgjedhur mua.  Dhe mua më ka zgjedhur grupi parlamentar i PD-së, deputetët dhe më zgjedh rregulli i funksionimit të kuvendit.  Lindita Nikolla bën sikur se ka dokumentin, se do ta përdorë Bashën si lolo të mazhorancës. I duhet ta kurdisë”, theksoi demokrati./ CNA





Lajmet e fundit nga