web counter
LEXO PA REKLAMA!

SHKARKO APP

App Store
Google Play

Vilat luksoze “përndjekin” Bashën/ I përgjigjet Bardhit

5 Tetor 2023, 14:53, Politikë CNA
Vilat luksoze “përndjekin” Bashën/ I përgjigjet
Lulzim Basha

Kreu i PD-së së “vulës”, Lulzim Basha, ka reaguar pasi Gazment Bardhi ka plasur të vërtetën për aleancën e familjarëve të tij me kullat, duke zbuluar se ka dy kate në një nga kullat në kryeqytet përkatësisht në hyrje të Liqenit.

Duke bërë të indinjuarin, Basha e mohon që ka dy kate në kullën në Tiranë.

Përmes një statusi në rrjetet sociale Basha i ka quajtur mashtrime dhe pjesë e lojës së vjetër.

“Aleanca e kullave dhe e non gratave nuk do ta bëjë pis e as do ta mbajë peng Partinë Demokratike. Njerëzit e dinë mirë çfarë përfaqësojnë këta individë dhe interesave të kujt i shërbejnë. Janë të njëjtët që sot flirtojnë me atë të cilit dje i thoshin vrasës.

Sa për gënjeshtrat e fundit: Unë as nuk kam porositur kulla dhe as nuk kam marrë kate në asnjë kullë. Këto janë mashtrime të dëshpëruara, pjesë e lojës së pisët dhe të vjetër të baltosjes.

Ndërsa çështja McGonigal është kthyer në aktakuzën më të rëndë ndaj sulmeve të ulëta kundër meje prej Edi Ramës e Sali Berishës, si edhe prej kujtdo tjetër që po përdoret prej tyre. Se kush e shpëtoi Edi Ramën nga llogaridhënia për Kosovën, e pamë mirë në konferencën e djeshme të kryetarëve dhe në konsensusin për të ruajtur imazhin e Ramës.

Kaq në respekt të qytetarëve, sepse asgjë nuk pres nga ata që për hallet dhe karriket e tyre, duan të na shfokusojnë nga problemet e Shqipërisë dhe të shqiptarëve.

Ashtu si padrinoja non grata e humbi luftën e shpifjeve disa vjeçare, pasi koha e nxorri të vërtetën në dritë, edhe zëdhënësin e tij të radhës e pret i njëjti fat”, shkruan Basha./ CNA





Lajmet e fundit nga