web counter
LEXO PA REKLAMA!

SHKARKO APP

App Store
Google Play

Dhjetëra kallëzime për kryebashkiakun e Kuçovës/ Maliqi: A i ka kërcënuar “banda” prokurorët e SPAK

5 Tetor 2023, 21:15, Politikë CNA
Dhjetëra kallëzime për kryebashkiakun e Kuçovës/
Ish-deputeti Lefter Maliqi

Ish-deputeti Lefter Maliqi ka reaguar në lidhje me dëshminë e të penduarit të drejtësisë Artan Tafani, i cili zbuloi se kreu i bandës së Lushnjes, Laert Haxhia kishte planifikuar të vriste prokuroret Doloresa Musabelliu dhe Merita Halili.

Me anë të një statusi në rrjete sociale, Maliqi thotë se kjo ngjarje i sjell ndërmend kallëzimet e bëra në SPAK ndaj kryebashkiakut të Kuçovës, Kreshnik Hajdarit.

Ai deklaron se SPAK ka qëndruar në heshtje për këto kallëzime dhe shtron pyetjen nëse prokurorët janë kërcënuar nga ajo që ai e cilëson si “banda e Hajdarit”.

“Para dy ditësh mësuam se Prokurorja e “SPAK” Doloreza Musabelli ishte piketuar të vritej nga një bandë kriminale, pasi i kishte hetuar dhe dënuar me burgim të përjetshëm.

Më shkon mendja te dhjetëra kallëzime që janë bërë në “SPAK”, për Kryetarin e Bashkisë Kuçovë, ‘Hajdarin e Rilindjes’, i akuzuar më keq se Gjici i Kukësit.

“SPAKU” i ka lënë në heshtje, nuk e di?!…në dilemë…

Tu ketë bërë presion “Banda e Hajdarit” atyre të Spakut, apo do jetë siç tha ai zotëria Shuaipi i Sinecit të Lumasit para derës së “SPAKUT”, që e kanë shembur Prokurorin Kondili etj me €?

Në fakt këtij prokurori nuk i kanë vënë mbrojtje.

Kush do të jetë arsyeja që “SPAKU” po hesht? Autori”, shkruan ish-deputeti./ CNA

Dhjetëra kallëzime për kryebashkiakun e Kuçovës/





Lajmet e fundit nga