web counter
LEXO PA REKLAMA!

SHKARKO APP

App Store
Google Play

E fundit!

x

Korçari i famshëm: 11 maji luftë në terren, opozita të heqë kostumet, vishni opingat

15 Prill 2025, 14:24, Politikë CNA
Korçari i famshëm: 11 maji luftë në terren, opozita
Ilir Vrenozi

Ilir Vrenozi, një nga zërat më kritikë dhe autentikë të së djathtës në Shqipëri, ka dalë me një qëndrim të fortë në lidhje me situatën aktuale të opozitës. I njohur për fjalën e tij të drejtë dhe pa filtra, Vrenozi shpreh atë që shumë demokratë të thjeshtë ndiejnë prej vitesh.

Opozita shqiptare ka humbur rrugën, ka humbur besimin e njerëzve dhe ka dështuar në misionin e saj për të përfaqësuar interesin e qytetarëve.

Ai ngre shqetësimin se për më shumë se një dekadë, opozita ka qenë e kapur në një cikël humbjesh të njëpasnjëshme, pa reflektim të vërtetë dhe pa një analizë të sinqertë për arsyet e dështimeve.

Sipas tij, është e papranueshme që çdo zgjedhje të përfundojë me të njëjtin justifikim: “na i vodhën votat”.

Ai e sheh këtë si një mënyrë për të shmangur përgjegjësinë dhe për të mos u përballur me të vërtetën e hidhur, që shumë prej përfaqësuesve të opozitës janë shkëputur nga realiteti dhe nga hallet e qytetarëve të zakonshëm.

"Isha pardje dhe në hapjen e fushatës. Mua në fakt nuk më pëlqejnë këto 'xhingla-minglat' sepse nuk ka kohë për këto. Ua them gjithmonë në videot e mia që në 2013 na i vodhën, thamë ne. 2015 na e vodhën, thamë ne. 2017 na e vodhën. 2019 ia dhamë vetë, Luli 'petulla, duduku' ia dha vetë. 2021 na i vodhi. Boll më tani.

Thashë që duhet të bëjmë grevë urie, s'bëmë asgjë, as qeveri teknike sepse nuk pyet 'i gjati' për asgjë. Pranuam të hyjmë me hajdutin tani. Nuk ka më justifikim që na e vodhën, jo. I vodhi, shumë mirë bëri. Po t'i vodhi, ma mbron dot votën? S'ma mbron! Hap krahun! Sepse demokratët e thjeshtë kanë 12 vite rrugëve. Këta si deputetë kanë rrogën, ua bëri xhaxhi Edi 'dallamangua' 3 milionë, vajtën e ngritën kartonin për rrogën. Ndonjë biznes kanë, makinat i kanë QL, LM, çfarë quhen ato, se unë s'marr vesh nga makinat. Unë s'kam as biçikletë.

Kur vjen puna, mos kanë qejf të rrijnë në opozitë? Se kështu i bie! Unë ua them dhe ua kam thënë që në 11 prill që dolën aty e deri në 11 maj, është luftë në terren. Të veshin opingat, të heqin ato kostumet, se edhe janë lodhur nga politika 34-vjeçare. Të veshin një palë tuta sportive e të tregojnë gjendjen sepse të fitosh 3 herë, e të mendojë ai të fitojë për herë të 4-t i bie tani që...

Mund ta kem gabim edhe unë, por vërtet duhet të bësh një analizë që nëse humb, fajin e ka Rama që na i vodhi. Por prit, unë kam faj vetë? Këtë analizë nuk e bënë. S'kam dëgjuar ta bëjë njeri. Edhe me këtë shaj Edi Ramën, mos ndoshta është reklamë? Edhe Duçja thotë 'Më shani, më shani, kurrë mos më harroni'.

Luli thotë 'Krimi-krimi, droga-droga', populli voton Ramën. Po të mos merremi njëherë me Ramën, të merremi me problemet e njerëzve. Rama gogoli, gogoli, por gogoli po na mund. Po na i vjedh, po na bën si të dojë. Si të dojë të na e bëjë, ai del fitues. Ne s'kemi forca fare, edhe kur na i vjedhin... dhe ai po na i fut. 12 vjet më dhemb, po ma futi 4 vjet më dhemb. Do t'i them mos e mprih shumë këto 4 vitet e tjera se na dhemb", ka deklaruar Vrenozi për CNA. 





Lajmet e fundit nga