web counter
LEXO PA REKLAMA!

SHKARKO APP

App Store
Google Play

E fundit!

x

Si vuri kontakte me PD-në?/ LaCivita tregon se cili politikan shqiptar e ka takuar në SHBA

15 Prill 2025, 11:06, Politikë CNA

Si vuri kontakte me PD-në?/ LaCivita tregon se cili politikan shqiptar e ka

Këshilltari i PD-së për fushatën, Chris LaCivita, ka treguar se si u lidh me Partinë Demokratike, ndërkohë që ai vetë është shtetas amerikan, që ka jetuar e punuar gjatë të gjithë kohës në SHBA.

Në një intervistë në emisionin ‘Opinion’ me gazetarin Blendi Fevziu, LaCivita u shpreh se ka disa të njohur në Senatin Amerikan dhe në Kongres, me të cilët ndodhi të kenë një të njohur të përbashkët, Fatmir Mediun.

LaCivita tha se ky ka qenë kontakti i parë me një politikan që ka lidhje me PD-në dhe më pas ai vetë u interesua më tej për kulturën dhe historinë shqiptare për të kuptuar më mirë situatën politike.

Pjesë nga biseda:

Fevziu: Si ka qenë udhëtimi juaj në Shqipëri?

LaCivita: Shumë i bukur. Ka qenë shumë i lehtë.

Fevziu: Po hapja e fushatës e partisë demokratike para dy ditësh?

LaCivita: Ka qenë shumë mbresëlënëse. Tubimi, madhësia...

Fevziu: Në ç’mënyrë?

LaCivita: Ishte emocionues. Njerëzit ishin shumë emocionues. Ishte shumë motivuese. Mendoj se ishin shumë të emocionuar për atë që mund të sjellë e ardhmja. Mund ta shikoje, mund ta ndieje elektrizimin e njerëzve.

Fevziu: Ju mbajtët një fjalim te kjo mbledhja, por zakonisht puna juaj është në sfond…

LaCivita: Po…

Fevziu: Pse dolët në rreshtin e parë?

LaCivita: Kjo është një pikë shumë e mirë. Në Amerikë, por edhe unë personalisht preferoj të jem në sfond, por ajo që është e rëndësishme, lidhur edhe me punën time… Jam këtu që të ndihmoj konservatorët, jam këtu që të ndihmoj Sali Berishën dhe dua të jem në gjendje të jap një mesazh ndryshe që do të jetë edhe aktual, duke menduar se çfarë ndodhi në Amerikë. Pra, jam krenar të ndihmoj në çfarëdolloj mënyre që mund të ndihmoj, dhe ka qenë një nder që të më jepet mundësia t'u drejtohem kaq shumë shqiptarëve në një aktivitet të tillë si i mbrëmshmi.

Fevziu: Por normalisht ju jeni një strateg, këshilltar dhe po ashtu e ndjeni këtë betejë…

LaCivita: Kam shërbyer në Amerikë si këshilltar strategjik. Po. Por po ashtu merrem edhe me komunikimin, me mënyrën se si komunikohet mesazhi. Merrem edhe me këtë gjë.

Fevziu: Si e zbuluat Shqipërinë? Si e zbuluat Partinë Demokratike të Shqipërisë?

LaCivita: Nëpërmjet miqve të përbashkët. Kam disa miq në Kongres dhe në Senat me të cilët ndajmë një mik të përbashkët. Fatmirin. U takuam në SHBA, tek Unioni Ndërkombëtar i Konservatorëve. Isha duke mbajtur një fjalim aty. Filluam të diskutojmë për situatën në Shqipëri dhe disa prej pikave të përbashkëta midis Shqipërisë këtë vit dhe Amerikës vitin e shkuar. Kështu që ishte e lehtë…

Fevziu: Kishit ndonjë ide apo informacion për Shqipërinë përpara se të vinit këtu?

LaCivita: Po, para se të vija këtu doja të mësoja sa më shumë që të ishte e mundur. Shpenzova mjaft kohë duke lexuar për kulturën dhe historinë në mënyrë që të kuptoja edhe situatën aktuale politike./CNA

 





Lajmet e fundit nga