web counter
LEXO PA REKLAMA!

SHKARKO APP

App Store
Google Play

E fundit!

x

“Dil nudo dhe do të klikojnë të gjithë”/ Dash Shehi shigjeton dyshen Rama-Basha

15 Prill 2025, 10:29, Politikë CNA

“Dil nudo dhe do të klikojnë të gjithë”/ Dash

Kreu i Lëvizjes për Zhvillim Kombëtar, (LZHK) Dashamir Shehi, ka komentuar pasimet virtuale mes kryeministrit Edi Rama dhe Lulzim Bashës.

I ftuar në emisionin "Opinion", Dash Shehi u shpreh se ky skenar është bërë vetëm për të marrë klikime.

Ai shigjetoi dyshen Rama-Basha duke thënë se për klikime mund të dalin edhe nudo.

Ndër të tjera Shehi tha se ka më shumë humor se Rama dhe Basha, por kur flet me qytetarin për zgjedhjet duhet seriozitet.

“Kjo është për të marrë klikime. Dil nudo e do të të klikojnë të gjithë. Unë them të ndërtojmë politikë. Unë kam më shumë batutë e humor se këto, por kur flet me qytetarin sidomos për zgjedhjet, nuk mund ta kthesh në tallava. Merr përgjegjësi, flet me seriozitet.”

“Ka ndryshuar edhe morali i fushatës. Në atë kohë ishin të gjithë të barabartë, djemtë e shkolluar. Sot s’ka nevojë të jesh i shkolluar, sot janë djemtë e pasur! Nuk është pak kjo?! Kjo luan rol, jo pozitiv për mua!”, tha Shehi teksa u kthye pas në fushatën e para 34 viteve.

Drejt 11 majit, Shehi kandidon si bashkëkryetar i koalicionit opozitar “Djathtas 1912”. Megjithatë, nuk ka një këndvështrim pozitiv për mënyrën si votohet në vend.

“Them se ka mbetur akoma një trupë elektorale që gjykon edhe personazhin, edhe voton. Është kthyer më shumë në komunikim sesa në substancë. Hy në një sallë ku gjen tifozë, ndërkohë në atë kohë gjeje qytetarë të zonës të cilëve duhet t’u përgjigjeshe”, argumentoi Shehi.

Po pse Shehi nuk pranoi ftesën e PD-së për “bashkim forcash”.

“Kjo punë ka përfunduar për 1 mijë motive, por për ato politike. Ne nuk jemi dakord me këtë lidership. Aty është e drejta e tyre të zgjedhin kë të duan, por e drejta jonë të marrim rrugën si të duam ne. I kam pas thënë (referuar Sali Berishës) që nuk vazhdon ky teatër absurd. Nuk është ndonjë shpresë e madhe. Nuk mjafton më për të mundur Edi Ramën, sepse ka një trupë qytetarësh që nuk e do Ramën, por nuk e voton më Berishën!”

Për partitë e reja tha se kanë shanse në këto zgjedhje dhe madje ua uroi që të marrin sa më shumë karrige në Parlament./ CNA





Lajmet e fundit nga