E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Ja si Veliaj i lëpihet Ramës

7 Mars 2025, 10:14, Politikë CNA

Kryebashkiaku i arrestuar për dy akuza të rënda, korrupsion dhe pastrim të produkteve të veprës penale, Erion Veliaj, nga qelia e tij i lëpihet kryeministrit Edi Rama, i cili pak kohë më parë lëshoi një sërë sulmesh ndaj prokurorit dhe gjyqtarit të çështjes së Veliajt duke i quajtur kamikazë dhe ekstremistë të djathtë.

Gjatë një interviste në televizionin e paguar nga inceneratorët, Veliaj e quajti Ramën mikun e rrallë të çmuar prej 20 vitesh të cilit nuk ka nevojë t’i çojë pusulla nga burgu.

“Edi Rama është Kryeministri im, kryetari im i partisë dhe një mik i rrallë e mentor i çmuar prej 20 vitesh. Nuk kam nevojë t’i çoj pusulla, se shokët e idealit nuk kanë nevojë të koordinohen për vlerat ku besojnë.

Unë besoj tek Edi si Kryeministri më i mirë i të gjitha kohërave, si i vetmi që mund të ngrejë flamurin e Shqipërisë në Bashkimin Europian, dhe si i vetmi që mund të sigurojë që drejtësia e re dhe e pavarur të ketë jo vetëm shpatë, por edhe peshore!”, tha kryebashkiaku i arrestuar Erion Veliaj.

Por Veliaj duket se ka harruar që ishte kryeministri ai që e injoroi në çdo takim jashtë me emigrantët, që e la kudo në hije duke i dërguar mesazh SPAK-ut që të bënte drejtësi dhe të hetonte këdo majtas apo djathtas.

Harroi gjithashtu se si e fshiu nga çdo kënd në rrjetet e tij sociale dhe si e la në hije në 33 vjetorin e Partisë Socialiste.

Kryeministri Edi Rama, miku i 20 viteve siç e quan ai, e dorëzoi atë para drejtësisë dhe SPAK, duke kërkuar t’i nxjerrë ujin e zi dhe kushdo ka barë korrupsion të përballet vetë me drejtësinë, pavarësisht se pas arrestimit të tij pati një “lajthitje”, por që së fundi ka zbutur totalisht tonet dhe gjuhën e përdorur ndaj drejtësisë.

Nga ana tjetër, ajo që shohim nga Veliaj është se si i lëpihet Ramës nga burgu./ CNA