web counter
LEXO PA REKLAMA!

SHKARKO APP

App Store
Google Play

“Çdo mëngjes del si qyqe”/ Berisha: Veliaj dëshmitari më i fuqishëm i vjedhjeve të Ramës

6 Mars 2025, 19:33, Politikë CNA

“Çdo mëngjes del si qyqe”/ Berisha: Veliaj

Në takimin me strukturat në Durrës, kreu i PD, Berisha është ndalur dhe te kryebashkiaku i arrestuar Erion Veliaj.

Berisha tha se Veliaj është dëshmitari më i fuqishëm i vjedhjeve të Edi Ramës. Ndërsa ka folur dhe për protestën e administratës së bashkisë përpara SPAK-ut, kreu i PD e ka cilësuar atë si grushtshteti.

Referuar deklaratave të kryeminsitrit që e cilëson si buf kënete, Berisha tha se Rama nuk mund të flasë për vjedhjet e tij ndaj dhe flet për zhaba e zhapiqe.

“Nga ana tjetër në qoftë se krahu tjetër këndon çdo ditë himnin e hajdutit të Erion Veliajt, psr të cilin qytetarët e Tiranës meritojnë një mirënjohje të pakufishme, nuk iu ndanë. Ajo protestë e nxori nga bashkia një nga hajdutët që pëerveç Ramës nuk ka shok tjetër në Shqipëri. Veliaj i lidhur si mishi me thoin me Ramën, është dëshmitari më i fuqishëm i vjedhjeve gjigante të Edi Ramës. E patë deri ku arritën, deri në grushtshteti. E ka bërë vetëm Escobar në Bogota dhe se ka bërë kush kurrë. Kështu sulmuan dhe hordhitë e Escobarit të Tiranës gjykatat dhe prokuroritë.

Përpëlitjet për ta nxjerrë se kishte lidhje me Sali Berishën vetëm se ka studiuar me vajzën time, janë në një panik të tmerrshëm. Ndërkohë Ols Dado ka dhënë vendime kundër meje. Si ka mundësi një kryeminstër që ka qeverisur 12 vite, nuk mund të mbrojë një vepër të tij. Është tuneli i Llogarasë, por kudo të prekësh del një vjedhje. Pllakat e shesheve kanë kushtuar më shumë se të gjitha rrugët. Rreth 2 miliardë euro, një vjedhje e dhjetëfishtë. Nuk ka si të flasë për vjedhjet, por flet për zhaba, për hardhuca. E ka shndërruar veten në banor të parkut zoologjik. Çdo mëngjes si zog qyqe del dhe numëron marrëzi”, tha Berisha./ CNA





Lajmet e fundit nga