web counter
LEXO PA REKLAMA!

SHKARKO APP

App Store
Google Play

Ivi Kaso: SPAK dhe BKH duhet të hetonin çështjen “Beleri”

15 Shtator 2023, 11:05, Politikë CNA
Ivi Kaso: SPAK dhe BKH duhet të hetonin çështjen
Ivi Kaso

Sekretari për çështjet ligjore në PD, Ivi Kaso,  ka deklaruar se e gjithë çështja e Belerit, që nga arrestimi i tij e deri më tani është fund e krye e mbushur me parregullsi.

Sipas Kasos nuk duhej që kjo çështje të ndiqej nga policia, por nga SPAK dhe BKH.

“Kjo histori që nga fillimi deri sot që ishte zhvillimi i fundit në çështjen 'Beleri'. Është mbushur fund e krye me parregullsi duke lënë mënjanë 'background'-in nacionalist që mund të kishte çështja ose fokusi i saj, që në kushte normale në një vend normal do ishte thjesht shkelje banale ligjesh zgjedhore, ka filluar me hetimin e vetëm proaktiv të policisë së shtetit lidhur me çështje zgjedhore.

Policia e Shtetit e pa të arsyeshme që pas qindra denoncimesh që i ka dërguar opozita, jo vetëm policisë, por edhe prokurorisë edhe SPAK që janë në kalendar grek, e pa të arsyeshme të fillonte vetmë një çështje vetë në mënyrë proaktive, e shqetësuar shumë nga blerja e votës në Himarë. Këtë e filloi 4 ditë para arrestimit të Belerit dhe 6 ditë para zgjedhjeve.

Atje u alertua policia e Vlorës dhe Himarës dhe pavarësisht se e dinte që duhet të bashkëvepronte me SPAK-un dhe Byronë Kombëtare të Hetimit. Vetëm këto organe kanë ekskluzivitetin për ndjekje penale në rastet e korrupsionit zgjedhor. Nuk e ndjek dot as unë, as prokuroria, askush veç SPAK-ut dhe Byrosë Kombëtare të Hetimit.”-tha Kaso./ CNA





Lajmet e fundit nga