web counter
LEXO PA REKLAMA!

SHKARKO APP

App Store
Google Play

Dule bën sërish avokatinë e Belerit/ "U arrestua për qejfin e Ramës"

14 Shtator 2023, 23:01, Politikë CNA
Dule bën sërish avokatinë e Belerit/ "U arrestua për
Kryetari i PBDNJ-së, Vangjel Dule

Kryetari i PBDNJ-së, Vangjel Dule, bëri sërish avokatinë e kryebashkiakut të zgjedhur të Himarës, Fredi Belerit.

Ai tha në emisionin e Ylli Rakipit se Beleri u arrestua vetëm për interesa të kryeministrit Edi Rama.

Dule pretendon se mbajtja e kryebashkiakut të zgjedhur të Himarës në burg është e padrejtë.

“Kemi reagimin e Parlamentit Europian, që thotë të lirohet Beleri. Kemi Partitë Popullore, që thonë të lirohet. Ligjet e shtetit shqiptar, i garantojnë gjithsecilit të drejtën e votës.

Drejtësia duhet të vazhdojë procesin e vet. Askush nuk është kundër drejtësisë, që të thotë fjalën e vetë. Në këto kushte, ka një fakt shumë të rëndësishëm,

Zoti Beleri prezumohet i pafajshëm, derisa të kemi vendim të formës së prerë. Një njeri që prezumohet i pafajshëm, ka të drejtën që të kryejë detyrimet dhe të drejtat e veta t’i respektohen.

Nuk ka arsye që ta pengojë të bëjë betimin. Ku ka një ligj që e ndalon të bëjë betimin?

Unë kontestoj shumë aspekte. Z. Beleri nuk është arrestuar në kushte flagrance, por sepse kështu i desh qejfi Edi Ramës. Ai ishte në përgjim për katër ditë, me urdhër që në momentin që të konstatohej fakti i parë kompromentues, por nuk rezultoi.

Në kushte dëshpërimi, u dha urdhër të arrestohet. Ishin kushte rrëmbimi dhe jo arrestimi. Janë sajuar fakte që nuk ekzistojnë”, theksoi kreu i  PBDNJ-së./ CNA





Lajmet e fundit nga