LEXO PA REKLAMA!

SHKARKO APP

Çështja "Beleri"/ Shpëtim Idrizi: Jam në opozitë, por mbështes Ramën

15 Shtator 2023, 10:18, Politikë CNA
Çështja "Beleri"/ Shpëtim Idrizi: Jam në
Kreu i PDIU, Shpëtim Idrizi

Kreu i PDIU-së, Shpëtim Idrizi, ka folur për çështjen “Beleri” dhe shpjegon qëndrimin e tij.

Gjatë një interviste, Idrizi shpjegon se përballë Greqisë që nuk njeh Kosovën, që nuk njeh çështjen çame dhe përballë Fredi Belerit, ka vendosur të mbështesë qëndrimin e kryeministrit të Shqipërisë Edi Rama, ndonëse vetë ai është në opozitë.

Sa i përket mungesës së tij në tryezën Bardhi-Berisha, ka sqaruar se kjo nuk tregon se është me Ramën, por nuk mund të ulet në të njëjtën tryezë me ata që mbështesin Fredi Belerin.

 “Kjo nuk përkthehet se jemi bërë me Ramën, se s’ka kuptim. Ne jemi në opozitë, Rama s’ka nevojë për ne sa të ketë opozitën kështu. Jashtë kontekstit më është marrë një deklarim më ka pyetur gazetarja më thotë për rastin Belerin që është një çështje e drejtësisë, kemi një deklarim të DASH që thotë t’ia lëmë drejtësisë ndërsa Greqia kërkon ta politizojë.

Më pyet gazetari për rastin e Belerit: Greqia është e unifikuar, duket sikur Rama është i vetëm, ju me kë jeni? Përgjigjja ime ka qenë, përballë Greqisë që nuk njeh ligjin e luftës me Shqipërinë, që nuk njeh çështjen çame, që nuk njeh Kosovën, përballë Fredi Belerit që është i akuzuar për dy dëshmorët e atdheut, që thotë se shqiptarët vijnë nga Kaukazi, jam gjithmonë me kryeministrin e Shqipërisë. Jo me emër”, tha Idrizi./ CNA

Lajmet e fundit nga