web counter
LEXO PA REKLAMA!

SHKARKO APP

App Store
Google Play

Imeraj “i drejton gishtin” policisë dhe prokurorisë/ Janë përgjegjëse për atentatin në “Don Bosko”

13 Mars 2023, 22:03, Politikë CNA
Imeraj “i drejton gishtin” policisë dhe prokurorisë/
Ish-kryeprokurorja e Tiranës, Elisabeta Imeraj

Ish-kryeprokurorja e Tiranës, Elisabeta Imeraj, “i ka drejtuar gishtin” policisë dhe prokurorisë për atentatin e mbrëmjes së djeshme në “Don Bosko”, ku u regjistrua një viktimë dhe 5 të plagosur.

Imeraj tha në emisionin “Open” se përgjëgjëse për këtë ngjarje janë strukturat që kanë detyrë ruajtjen e qetësisë publike dhe parandalimin e situatave të tilla.

Ajo deklaroi se policia dhe prokuroria nuk duhet të lejojnë që personat me elementë kriminalë të lëvizin të armatosur.

“Duke gjykuar nga rrethanat, do ta ndaja në disa momente kryesore. Për sa i përket planit hetimor, pasja e një makine në dispozicion dhe pasja e armëve të tilla po studimi i zonës, jep idenë e një plani të mirëmenduar dhe të paraplanifikuar.

Elementi i dytë lidhet me pasojën, pra me personat e pafajshëm. Qytetarët duhet të vënë në përgjegjësi prokurorinë e policinë se përse këto njerëz mund të lëvizin të armatosur në këto zona. Duhen masa parandaluese.

Lidhet me shoqërinë dhe me mënyrën si ruhen personat e tillë. Ajo që është e rëndësishme, që duhet të jemi të përgjegjshëm në reagim. Është e tepërt të kemi kaq shumë pasoja në njerëz të pafajshëm. Viktima ishte në punë.

Gishtin e përgjegjësisë ia vë strukturave që kanë detyrë ruajtjen e qetësisë publike dhe parandalimin e situatave të tilla. Ajo që duhet të bëhet është që strukturat përkatëse të jenë në gjendje të reagojnë”, theksoi ish-kryeprokurorja e Tiranës./ CNA.al





Lajmet e fundit nga